بھارتی گلوکارہ کے ساتھ سٹیج پر "پسوڑی "گانےکے سُر سے سُر ملاتی ننھی بچی کی ویڈیو وائرل
ممبئی(ڈیلی پاکستان آن لائن) کوک سٹوڈیو سیزن 14 کے مشہور گانے"پسوڑی" کی دھوم بین الاقوامی کنسرٹس میں بھی سنائی دی جانے لگی،جہاں بھارتی گلوکارہ آستھا گل ننھی بچی کے ساتھ "پسوڑی" گانے پر سُر سے سُر ملاتی نظر آئیں۔
تفصیلات کے مطابق سوشل میڈیا پر وائرل ہونے والی ویڈیو ز میں دیکھا جاسکتا ہے کہ بھارتی گلوکارہ آستھا گل سٹیج پر موجود ہے جن کے ساتھ ایک 3 سالہ چھوٹی بچی بھی ہے۔ ننھی بچی گلوکارہ کے ساتھ پاکستان کے مشہور گانے "پسوڑی"پر سُر سے سُر ملا رہی ہے، جس پر کنسرٹ کے شرکا کی جانب سے بھی شور مچا کر سراہا جا رہا ہے۔سوشل میڈیا صارفین کی جانب سے ویڈیو کو ناصرف پسند کیا جارہا ہے بلکہ اس ویڈیو پر صارفین دلچسپ تبصرے کرتے نظر آرہے ہیں۔
View this post on Instagram
واضح رہے کہ گزشتہ دنوں بالی ووڈ کے مشہور گلوکار ارجیت سنگھ نے بھی کوک اسٹوڈیو سیزن 14 کا گانا " پسوڑی" گا کر سب کے دل جیت لیے تھے جس کی ویڈیو بھی سوشل میڈیا پر وائرل ہوگئی تھی۔