تاریخ رقم: پاکستان ویمنز ٹیم کی پہلی بار کیویز کیخلاف ٹی 20 سیریز میں فتح

تاریخ رقم: پاکستان ویمنز ٹیم کی پہلی بار کیویز کیخلاف ٹی 20 سیریز میں فتح
تاریخ رقم: پاکستان ویمنز ٹیم کی پہلی بار کیویز کیخلاف ٹی 20 سیریز میں فتح

  IOS Dailypakistan app Android Dailypakistan app

ڈونیڈن(ڈیلی پاکستان آن لائن)پاکستانی ویمنز نے نیوزی لینڈ کیخلاف پہلی مرتبہ ٹی 20 سیریز جیت لی۔

 قومی ٹیم نے نیوزی لینڈ کو دوسرے ٹی 20 میں 10 رنز سے شکست دے کر 3 میچز کی سیریز میں 0-2 کی فیصلہ کن برتری حاصل کی ہے۔

پاکستانی ویمنز ٹیم نے پہلے بیٹنگ کرتے ہوئے مقررہ اوورز میں 137 رنز بنائے، منیبہ علی نے 35،عالیہ ریاض نے 32 رنز بنائے، بسمہ معروف نے 21، کپتان ندا ڈار نے 14 رنز کی اننگز کھیلی۔

04f42c64a1e9f27fce25cb8443121466

جواب نیوزی لینڈ کی ٹیم 138 رنز کے ہدف کے تعاقب میں 127 رنز پر ڈھیر ہوگئی، ہینا روئے نے 33، جارجیا پلمّر نے 28 رنز بنائے۔

پاکستان کی جانب سے فاطمہ ثناء نے 3، سعدیہ اقبال نے 2 وکٹیں حاصل کیں، عالیہ ریاض کو پلیئر آف دی میچ قرار دیا گیا۔

 یاد رہے کہ پاکستانی ویمنز نے فاطمہ ثناء کی شاندار باؤلنگ کے نتیجے میں پہلا ٹی ٹوئنٹی انٹرنیشنل 7 وکٹوں سے جیتا تھا جو اس کی نیوزی لینڈ ویمنز کے خلاف ٹی ٹوئنٹی انٹرنیشنل میں پہلی کامیابی تھی۔

قومی کرکٹر عالیہ ریاض نے کہا کہ پہلی بار نیوزی لینڈ کے خلاف سیریز جیتنے پر بہت خوشی ہے۔

انہوں نے کہا کہ جیت کا کریڈٹ پوری ٹیم کو جاتا ہے، کسی بڑی ٹیم کو ہرانے کا خواب بالآخر پورا ہوگیا، کافی عرصے سے کوشش میں تھے کہ کسی بڑی ٹیم کو ہرائیں۔

عالیہ ریاض کا کہنا تھا کہ بیٹنگ کے دوران یہی کوشش تھی کہ جو بھی گیند ملے اسے چوکے اور چھکے میں بدل دوں، جو میرا نمبر ہے اس میں کوشش یہی ہوتی ہے کہ تیزی سے رنز بناؤں اور ٹیم کیلئے کچھ کر سکوں، کوشش ہوگی کہ سیریز کو تین صفر پر ختم کریں۔

مزید :

اہم خبریں -کھیل -