بھارت نے پاکستان کا 3سال کا فارمولا ماننے سے انکار کردیا،ڈیڈلاک برقرار

دبئی(ڈیلی پاکستان آن لائن)بھارت نے پاکستان کا 3سال کا فارمولا ماننے سے انکار کردیا،چیمپئنز ٹرافی پر پاکستان اور بھارت میں ڈیڈلاک برقرارہیں۔

نجی ٹی وی سما نیوز کے مطابق پی سی بی نے 3سال تک پاک بھارت میچز نیوٹرل وینیو پر کرانے کی تجویز دی تھی،بھارت نے پاکستان  کا فارمولا ماننے سے انکار کردیا،دبئی میں آئی سی سی کا اجلاس ایک مرتبہ پھر ملتوی ہو گیا۔

ذرائع کاکہنا ہے کہ آئی سی سی میٹنگ اس وقت ہی ہوگی جب بھارت پاکستان کے موقف پر جواب دے گا، چیئرمین پی سی بی محسن نقوی دبئی میں موجود ہیں،چیمپئنزٹرافی پر آئی سی سی اجلاس اب 7دسمبر کو ہوگا، ،ذرائع کاکہنا ہے کہ پی سی بی چیمپئنزٹرافی سے متعلق اپنے موقف پر قائم ہے،اب آئی سی سی اجلاس اس وقت ہی بلائے جب فیصلہ کرنا ہو۔پہلے بھارت سے حتمی جواب لیں پھر بات ہوگی ،آج شیڈولڈ میٹنگ شروع ہونے سے پہلے ہی ملتوی کردی گئی۔