پاکستان آئی ایم ایف مذاکرات گیس کی قیمت میں اضافہ پر اصرار

پاکستان آئی ایم ایف مذاکرات گیس کی قیمت میں اضافہ پر اصرار

                 دبئی(آئی اےن پی) پاکستان اورآئی ایم ایف کے مذاکرات دبئی میں جاری ہیں، مذاکرات میں گیس کی قیمت میں اضافہ کیلئے دباو¿ ڈالا جارہا ہے جبکہ پاکستانی حکام نے آئی ایم ایف کو اس حوالے سے یقین دہانیاں کردی ہیں۔ذرائع کے مطابق پاکستان اور عالمی مالیاتی ادارے کے مذاکرات دبئی میں جاری ہیں، آئی ایم ایف نے ایک بار پھر گیس کی قیمتوں میں اضافے کو ایشو بنالیا۔پاکستان اور عالمی مالیاتی ادارے کے درمیان پالیسی مذاکرات کے دوران آئی ایم ایف نے ایک بار پھر گیس کی قیمتوں میں اضافہ کر نے پراستفسار کیا۔اس کے علاوہ عالمی مالیاتی ادارے نے وزیرخزانہ اسٹیٹ بینک کی خود مختاری کے سلسلے میں ہونے والی تاخیر پرتشویش کا اظہار کیا ہے۔گیس کی قیمتوں میں اضافہ نہ کرنے کے بارے میں وزیرخزانہ نے فنڈ کو بتایا کہ ملک کے سیاسی حالات گیس کی قیمتوں میں اضافے کی اجازت نہیں دیتے۔ مناسب وقت کا انتظار ہے۔

مزید : کامرس