تجسس کے مارے 12 سالہ لڑکے نے تجربے کیلئے اپنے عضوِ خاص میں لوہے کی 39 گولیاں داخل کرلیں، نتیجہ کیا نکلا ؟ ڈاکٹرز بھی سر پکڑ کر بیٹھ گئے

تجسس کے مارے 12 سالہ لڑکے نے تجربے کیلئے اپنے عضوِ خاص میں لوہے کی 39 گولیاں ...
تجسس کے مارے 12 سالہ لڑکے نے تجربے کیلئے اپنے عضوِ خاص میں لوہے کی 39 گولیاں داخل کرلیں، نتیجہ کیا نکلا ؟ ڈاکٹرز بھی سر پکڑ کر بیٹھ گئے

  

بیجنگ (ڈیلی پاکستان آن لائن) چین میں تجسس کے مارے ایک 12 سالہ لڑکے نے تجربے کیلئے اپنے عضوِ خاص میں لوہے کی 39 گولیاں داخل کرلیں ۔ لوہے کی گولیوں کے باعث لڑکے کو شدید تکلیف کا سامنا کرنا پڑا جس پر اس کا آپریشن کرکے گولیاں نکالی گئیں۔

ڈیلی سٹار کے مطابق چینی صوبے ووہان میں ایک 12 سالہ لڑکے کو اپنے عضوِ خاص میں شدید جلن کے باعث ہسپتال لے جایا گیا، جہاں اس کا ایمرجنسی آپریشن کیا گیا۔ ووہان چلڈرن ہسپتال کے ڈاکٹر وینگ جون کا کہنا ہے کہ لڑکے نے پہلے تو یہ بتایا کہ اس نے لوہے کی چھوٹی گولیاں نگل لی تھیں جو اس کے مخصوص حصے میں پہنچ گئی ہیں۔ جب ایکسرے رپورٹ آئی تو پتا چلا کہ 5ملی میٹر ڈایا میٹر کی 39 گولیاں لڑکے کے مثانے تک پہنچی ہوئی ہیں۔ ڈاکٹرز کے دوبارہ پوچھنے پر لڑکے نے بتایا کہ اس نے تجسس کے تحت یہ گولیاں اپنے عضو میں داخل کی تھیں۔ڈاکٹرز نے لڑکے کے مثانے کا آپریشن کرکے اندر موجود تمام گولیاں نکال لیں۔

ڈاکٹر وینگ نے بتایا کہ بچوں کے لوہے کی گولیوں کے ساتھ اس قسم کے تجربات کرنے کے واقعات بڑھتے جارہے ہیں۔ انہوں نے بتایا کہ گزشتہ برس مئی میں بھی ایک 14 سالہ لڑکے نے لوہے کی 21 گولیاں نگل لی تھیں۔ نگلی گئی گولیاں پیٹ میں U کی شکل میں جڑ گئی تھیں جنہیں نکالنے کیلئے آپریشن کرنا پڑا تھا۔

مزید : ڈیلی بائیٹس