کشمیر اور پاکستان لازم وملزوم ہے،فضل حکیم خان

  کشمیر اور پاکستان لازم وملزوم ہے،فضل حکیم خان

  



پشاور(سٹاف رپورٹر)پاکستان تحریک انصاف ملاکنڈڈویژن کے صدرو چیئرمین ڈیڈیک سوات فضل حکیم خان یوسفز ئی نے کہا ہے کہ کشمیر پاکستان کی روح کا لازم و ملزوم حصہ ہے ہم اپنے کشمیری بہن بھائیوں کیساتھ کھڑے ہیں مقبوضہ وادی میں کشمیری مسلسل 6 ماہ سے کرفیو میں زندگی گزار رہے ہیں انسانی حقوق کی خلاف ورزیوں کو دنیا دیکھ رہی ہے جبکہ کشمیر میں ظلم کے باوجودبھی ایک ہی نعرہ ہے وہ پاکستانی ہیں انہوں نے کہا کہ وزیراعظم عمران خان سفیر بن کر دنیا بھر میں کشمیر کا مقدمہ لڑرہے ہیں پاکستانی قوم بھی ہر فورم،الیکٹرانک،پرنٹ میڈیااور سوشل میڈیا پر بھی مسئلہ کشمیر کو بھرپور انداز میں اجاگر کریں انہوں نے کہا کہ بھارت مقبوضہ کشمیر میں بدستور انسانی حقوق کی خلاف ورزیاں کر رہا ہے اور معصوم شہریوں کو جان بوجھ کر نشانہ بنا رہا ہے مسئلہ کشمیر کو اقوام متحدہ کی قراردادوں کے مطابق حل ہونا چاہیے انہوں نے کہا کہ کشمیر پاکستان کی شہ رگ ہے اس کا تحفظ ہر پاکستانی کا فرض ہے کشمیر پاکستان کا تھا ہے اور ہم اسے حاصل کر کے رہیں گے انہوں نے کہا کہ یوم یکجہتی کشمیر منانے کا مقصد یہی ہے کہ ہم اپنے کشمیری بہن بھائیوں کو یاد دلایا جا سکیں کہ پاکستانی ان کے ساتھ کھڑے ہیں انہوں نے ملا کنڈ ڈویژن کے عوام سے اپیل کی کہ کشمیریوں کے ساتھ اظہار یکجہتی کیلئے پانچ فروری کو کشمیر ڈے منایا جائے اور تمام اضلاع میں مختلف تقریبات اور ریلیوں میں کشمیریوں کے ساتھ یکجہتی کا اظہار کیا جائے۔

مزید : پشاورصفحہ آخر