یوم یکجہتی کشمیر ، عمران خان کی کوٹلی آمد سے قبل تحریک انصاف کے دو گروپ آپس میں ہی لڑپڑے

یوم یکجہتی کشمیر ، عمران خان کی کوٹلی آمد سے قبل تحریک انصاف کے دو گروپ آپس ...
یوم یکجہتی کشمیر ، عمران خان کی کوٹلی آمد سے قبل تحریک انصاف کے دو گروپ آپس میں ہی لڑپڑے

  

کھوئی رٹہ (ویب ڈیسک) آزاد کشمیر   میں یوم یکجہتی کشمیر کے سلسلے میں وزیراعظم کی آمد سے قبل تحریک انصاف کے دو گروپ آپس میں ہی لڑ پڑے اور ہاتھی پائی کے نتیجے میں  10کارکن زخمی ہوگئے۔ 

میڈیا اطلاعات کے مطابق وزیر اعظم پاکستان عمران خان  آج  یوم یکجہتی کشمیر کے سلسلہ میں  کوٹلی آرہے ہیں اور ان کی آمد کے سلسلے میں صدر تحریک انصاف آزاد کشمیر بیرسٹر سلطان محمود چوہدری عوامی رابطہ مہم کیلئے کھوئی رٹہ ریسٹ ہاؤس پہنچے تو تحریک انصاف رفیق نیئر گروپ اور انصر ابدالی گروپ کے کارکنان کے درمیان نعرہ بازی شروع ہوگئی، دونوں گروپوں کے کارکنان سٹیج پر بیرسٹر سلطان محمودچوہدری کے قریب جگہ حاصل کرنے کی کوششوں میں آپس میں لڑ پڑے جس دوران لاتوں، گھونسوں اور مکوں کا آزادانہ استعمال ہوا۔ تصادم کی وجہ سے بیرسٹر سلطان محمود چوہدری  نے انتہائی مختصر خطاب کیا اور جلد ہی واپسی کی راہ لی۔

مزید :

قومی -