کشمیری عوام کے حق خودارادیت پر ڈاکہ ہندو بنئیے کی مکاری کا منہ بولتا ثبوت ہے:ارم بخاری

کشمیری عوام کے حق خودارادیت پر ڈاکہ ہندو بنئیے کی مکاری کا منہ بولتا ثبوت ...
کشمیری عوام کے حق خودارادیت پر ڈاکہ ہندو بنئیے کی مکاری کا منہ بولتا ثبوت ہے:ارم بخاری

  

لاہور(ڈیلی پاکستان آن لائن)کشمیر کی خصوصی حیثیت کو ختم کرنا کشمیری عوام کے حق خودارادیت پر ڈاکہ اور ہندو بنئیے کی مکاری کا منہ بولتا ثبوت ہے،مقبوضہ کشمیر میں غاصب بھارتی فوج کے مظالم کی شدید مذمت کرتے ہیں،شہیدوں کا لہو ایک دن ضرور رنگ لائے گا۔

 یوم یکجہتی کشمیر کے موقع پر  ایڈیشنل چیف سیکرٹری  پنجاب ارم بخاری نے کہا کہ بھارت کشمیری عوام کو اپنے پیدائشی حقِ خود ارادیت کا مطالبہ کرنے پر بدترین ریاستی دہشت گردی کا نشانہ بنا رہا ہے،اس مشکل گھڑی میں پاکستان کا بچہ بچہ کشمیری بھائیوں کے ساتھ ہے۔ان کا کہنا تھا کہ ہم بحیثیت کشمیری ادراک رکھتے ہیں کہ مقبوضہ کشمیر کے عوام کے دل بھی پاکستانی بھائیوں کے ساتھ دھڑکتے ہیں،کشمیر کے لوگوں کو استصواب رائے کا حق ملنا چاہیے تا کہ وہ آ زادانہ فیصلہ کر سکیں۔

اُنہوں نےکہا کہ وہ اقوام متحدہ نے کشمیریوں سے جو وعدہ کیا وہ ابھی تک پورا نہیں ہوا، پاکستان  کشمیری عوام کے ساتھ ہےاور بحیثیت قوم یہ ہماری قوت اور غیرت ایمانی کا تقاضہ ہے کہ ہم اہل کشمیر کی جائز امنگوں کے مطابق معاملے کے منصفانہ حل کے لیے اقدامات کریں۔

مزید :

علاقائی -پنجاب -لاہور -