’ن کے معصوم بھائیو، ابھی لڈیاں نہ ڈالو‘ شہباز شریف کے ہتک عزت کیس میں شہباز گل نے اصل بات بتادی

’ن کے معصوم بھائیو، ابھی لڈیاں نہ ڈالو‘ شہباز شریف کے ہتک عزت کیس میں شہباز ...
’ن کے معصوم بھائیو، ابھی لڈیاں نہ ڈالو‘ شہباز شریف کے ہتک عزت کیس میں شہباز گل نے اصل بات بتادی
سورس:   Screen Grab

  

اسلام آباد (ڈیلی پاکستان آن لائن) وزیر اعظم عمران خان کے معاون خصوصی برائے سیاسی روابط ڈاکٹر شہباز گل کا کہنا ہے کہ لندن کی عدالت نے ڈیلی میل کی خبر کو جھوٹا قرار نہیں دیا، اگر چوری ثابت ہوئی تو لندن میں انگلش میں بے عزتی ہوگی۔

اپنے ایک ٹویٹ میں شہباز گل نے کہا کہ ’ن کے معصوم بھائیو آج عدالت نے صرف یہ کہا ہے کہ ڈیوڈ روز کی خبر شہباز شریف کے بارے ہی تھی اور اگر خبر جھوٹی ہوئی تو ان کی ہتک عزت تصور ہوگی۔ اب عدالت میں یہ ثابت کرنا ہو گا کہ شہباز شریف اور ٹبر نے چوری کی ہے یا نہیں۔ اگر چوری ثابت ہو گئی تے فیر لندن میں انگلش میں بے عزتی ہوگی۔ ہاں جی۔‘

انہوں نے مثال دیتے ہوئے کہا ’جیسے لاہور میں میرے خلاف آپ کے زمانے میں ٹھیکہ لینے والی کمپنی نے ایک کیس کیا، معزز عدالت نے ان کا کیس شروع کیا، مجھے نوٹس کیا، کیس غلط یا ٹھیک فیصلہ ابھی ہونا ہے، بعد میں کیس کرنے والے محترم اسی کیس میں جعلسازی کے الزام میں حوالات پہنچے، تو لڈیاں مت ڈالیں، یہ معاملہ بھی ایسا ہی ہے۔‘

خیال رہے کہ آج لندن کی عدالت میں شہباز شریف کی جانب سے برطانوی اخبار ڈیلی میل کے خلاف دائر کیے گئے ہتک عزت کے کیس کی سماعت ہوئی۔ پاکستانی میڈیا کے مطابق برطانوی عدالت نے ابتدائی فیصلے میں قرار دیا ہے کہ ڈیلی میل کی خبر سے شہباز شریف کی ہتک عزت ہوئی۔

دوسری جانب سابق وزیر اعلیٰ پنجاب کے خلاف خبر دینے والے صحافی ڈیوڈ روز کا کہنا ہے کہ آج کی سماعت انتہائی بنیادی نوعیت کی تھی۔  آج کے فیصلے میں عدالت نے یہ بتایا ہے کہ ڈیلی میل کے آرٹیکل کا مطلب کیا ہے، یہ کوئی حتمی فیصلہ نہیں ہے، ابھی ٹرائل شروع ہونا ہے۔

مزید :

قومی -