ایل ای ڈی ٹیکنالوجی کے پیٹنٹ کی چوری کرنے کا کیس، سام سنگ کا برطانوی کمپنی کو 150 ملین ڈالر دینے پر اتفاق
لندن (ڈیلی پاکستان آن لائن) سام سنگ الیکٹرانکس نے برطانوی نینو ٹیکنالوجی کمپنی نانوکو ٹیکنالوجیز کو سام سنگ کے ایل ای ڈی ٹیلی ویژنز میں استعمال ہونے والی ٹیکنالوجی پر پیٹنٹ کے مقدمے طے کرنے کے لیے 150 ملین ڈالر ادا کرنے پر اتفاق کیا ہے.
خبر ایجنسی روئٹرز کے مطابق نانوکو اور شکاگو میں مقیم قانونی چارہ جوئی کی فنڈنگ فرم جی ایل ایس کیپٹل نے ایک ریلیز میں کہا کہ یہ تصفیہ، جس میں لائسنس کا معاہدہ اور "بعض پیٹنٹ کی منتقلی" شامل ہے، امریکہ، جرمنی اور چین میں قانونی چارہ جوئی کو حل کرتا ہے۔
سام سنگ اور نانوکو نے گزشتہ ماہ ایک مقدمے کی سماعت کے موقع پر ٹیکساس کی ایک وفاقی عدالت کو بتایا تھا کہ انہوں نے تنازعہ طے کرنے پر اتفاق کیا ہے، لیکن اس وقت کوئی شرائط ظاہر نہیں کی گئی تھیں.
نانوکو کے کوانٹم ڈاٹس کیڈمیم جیسی زہریلی بھاری دھاتوں کے استعمال کے بغیر ایل ای ڈی ڈسپلے کی بیک لائٹنگ کو بہتر بناتے ہیں۔ اس نے 2020 میں سام سنگ پر مقدمہ دائر کیا اور یہ الزام لگایا کہ کوریائی ٹیک کمپنی نے ممکنہ تعاون کے بارے میں بات چیت کے دوران نمونے حاصل کرنے کے بعد اس کی ٹیکنالوجی کو کاپی کیا۔
