پرویز مشرف کی نماز جنازہ پیر کی شام یا منگل کی صبح ادا کئے جانے کا امکان
کراچی (ڈیلی پاکستان آن لائن) سابق صدر جنرل (ر) پرویز مشرف کی نماز جنازہ پیر کی شام یا منگل کی صبح ادا کئے جانے کا امکان ہے، اہلخانہ نے پاکستان میں تدفین کا فیصلہ کیا ہے، انہیں والد کے پہلو میں دفن کیا جائے گا۔
نجی ٹی وی ایکسپریس نیوز کے مطابق مرحوم صدر پرویز مشرف کی تدفین کراچی یا اسلام آباد میں کرنے سے متعلق مشاورت جاری ہے تاہم غالب امکان یہی ہے کہ انہیں کراچی میں والد کے پہلو میں دفن کیا جائے گا۔
پرویز مشرف کے اہل خانہ تدفین کے حوالے سے مشاورت کر رہے ہیں، ان کی نماز جنازہ اور تدفین سے متعلق ملک کی اعلی ترین قیادت اور حلقے اہل خانہ سے رابطے میں ہیں۔ ان کے اہل خانہ فیصلہ ہوتے ہی تدفین کے مقام سے آگاہ کریں گے جس کے بعد نماز جنازہ کے انتظامات کئے جائیں گے۔
