خاتون سے زیادتی کرنیوالےملزم کی عمر 35 سال،رنگ سانولہ ہے، اسلام آباد پولیس نے خاکہ جاری کر دیا
اسلام آباد (ڈیلی پاکستان آن لائن) اسلام آباد پولیس نے خاتون سے مبینہ زیادتی کے مرکزی ملزم کا خاکہ تیار کر لیا جسے تمام تھانوں کو جاری کر دیا گیا ہے۔
نجی ٹی وی دنیا نیوز کے مطابق خاتون سے زیادتی کے کیس میں اہم پیش رفت کرتے ہوئے اسلام آباد پولیس نے مرکزی ملزم کا خاکہ تیار کیا ہے جو 80 فیصد مشابہت رکھتا ہے۔ ملزم کی عمر 35 سال ہے ، پشتو بولتا ہے، رنگ سانولہ جبکہ قد 5 فٹ 10 انچ بتایا گیا ہے۔
اسلام آباد ایف نائن پارک زیادتی کرنے والے ایک ملزم کا خاکہ جاری کر دیا گیا۔#Islamabadpolice #F9Park #TheVerified pic.twitter.com/cbJvJ6okBW
— The Verifíed (@TheVerifLive) February 5, 2023
واضح رہے کہ متاثرہ خاتون اسلام آباد کے سیکٹر ایف نائن کے پارک میں چہل قدمی کیلئے آئی تھی جہاں مسلح ملزمان نے شور کرنے پر تھپڑ مارے اور جان سے مارنے کی دھمکی دی۔ انسان نما بھیڑیوں نے کپڑے پھاڑ کر اجتماعی زیادتی کا نشانہ بنایا۔
