خاتون نے خودکشی کی،ہسپتال انتظامیہ کا مؤقف 

 لاہور(کر ائم رپو رٹر) خاتون نے ہسپتال کی دوسری منزل سے چھلانگ لگا کرخودکشی کی تھی، ہسپتال انتظامیہ کے مطابق ہسپتال کی دوسری منزل سے چھلانگ لگا کر   خودکشی کرنے والی خاتون کی شناخت صائمہ کے نام سے ہوئی، خاتون کے پاس سے ملنے والے ایمپلائی کارڈ کے مطابق وہ بینک میں ملازمت کرتی تھی  ہسپتال انتظامیہ کا دعویٰ ہے کہ خاتون نہ تو ہسپتال میں داخل تھی اور نہ ہی کسی مریض کی اٹینڈنٹ تھی، خاتون ذہنی مریضہ تھی جس نے کھڑکی سے چھلانگ لگا کر خودکشی کی انتظامیہ کے مطابق خاتون کی شوہر سے علیحدگی ہو چکی تھی، متوفیہ والٹن کی رہائشی تھی اور اس کا 12 سال کا بیٹا بھی ہے جبکہ خاتون کے ورثاء نے خودکشی اور ذہنی مریضہ ہونے کی تصدیق بھی کی  ہسپتال انتظامیہ کا کہنا ہے کہ ورثا ء کے مطابق صائمہ پہلے بھی خودکشی کرنے کی کوشش کرچکی تھی، خاتون جب ہسپتال آئی تو اس کا بیٹا بھی اس کے ہمراہ موجود تھا۔