حق خودارادیت کے حصول تک کشمیریوں کی حمایت جاری رکھیں گے، عظمیٰ بخاری

       حق خودارادیت کے حصول تک کشمیریوں کی حمایت جاری رکھیں گے، عظمیٰ بخاری

  IOS Dailypakistan app Android Dailypakistan app

 لاہور(آئی این پی) وزیر اطلاعات پنجاب عظمیٰ بخاری نے آج 5فروری کو کشمیری عوام کیساتھ بھرپور اظہارِ یکجہتی کرنے کا اعلان کر تے ہوئے کہا ہے کہ  دہشتگردی کیخلاف جان کا نذرانہ دینے والے شہدا ہمارے ماتھے کا جھومر ہیں، بھارت ہمیشہ پاکستان میں حالات خراب کرنے کی کوشش کرتا ہے لیکن پاکستان نے ہمیشہ کہا ہے کہ ہم اچھے تعلقات چاہتے ہیں۔وزیر اطلاعات پنجاب عظمیٰ بخاری نے میڈیا سے گفتگو میں کہا کہ ہم کشمیریوں کی حق خودارادیت کی جنگ میں ان کے ساتھ ہیں، ن لیگ نے ہر فورم پر کشمیریوں کا مقدمہ پیش کیا ہے اور ہم عالمی برادری کا ضمیر جھنجھوڑتے رہیں گے، عالمی برادری کو دہرا معیار ترک کرنا ہوگا۔وزیر اطلاعات پنجاب نے بتایا کہ لبرٹی چوک کو کشمیر کے نام سے منسوب کیا ہے، عالمی برادری مقبوضہ کشمیر میں انسانی حقوق کی خلاف ورزیوں کا نوٹس لے۔ کشمیر میں آج بھی ظلم ہورہے ہیں جس پر توجہ دلانے کی ضرورت ہے۔انہوں نے بانی پی ٹی آئی کو تنقید کا نشانہ بناتے ہوئے کہا کہ ایک نام نہاد کہتے تھے میں کشمیریوں کا مقدمہ لڑنے جارہا ہوں جب کہ کشمیریوں کا مقدمہ وزیراعلی پنجاب سب کے سامنے رکھیں گی اور آج کشمیری عوام کے ساتھ بھرپور اظہار یکجہتی کریں گے۔ ان کا کہنا تھا کہ حق خودارادیت کے حصول تک کشمیریوں کی حمایت جاری رکھیں گے، کشمیر کے مسئلے پر جس طرح بات ہونی چاہئے ویسے ہوتی نہیں، سیاسی جماعت کے پاس مریم نواز کے کام میں کیڑے نکالنے کے سوا کچھ نہیں ہے۔انہوں نے مزید کہا کہ دہشتگردی کے جن کو نوازشریف نے بند کردیا تھا، کسی نے آکر دہشتگردی کے جن کو باہر نکالا ہے۔ یہ کبھی پاؤں پکڑنا چاہتے ہیں تو کبھی خط لکھتے ہیں جب کہ یہ منت مانگ کر این آر او مانگ رہے ہیں۔

عظمیٰ بخاری

مزید :

صفحہ اول -