سوئیڈن کے سکول میں فائرنگ حملہ آور سمیت 10 افراد ہلاک
اوبیرو (مانیٹرنگ ڈیسک)سوئیڈن کے شہر اوبیرو کے سکول میں فائرنگ سے 10 افرا ہلاک ہوگئے۔پولیس کی جانب سے جاری بیان میں کہا گیا ہے کہ ہلاک ہونے والوں میں حملہ آور بھی شامل ہے۔پولیس کے مطابق حملہ آور اکیلا تھا اور مزید کسی حملے کا خطرہ نہیں ہے، پولیس کا کہنا ہے کہ فائرنگ کے واقعے کو فی الحال دہشت گردی کے طور پر نہیں دیکھا جارہا تاہم مزید تحقیات جاری ہیں۔ سکول کی ایک ٹیچر نے مقامی میڈیا کو بتایا کہ اکثر طلبہ امتحان دینے کے بعد اپنے گھروں کو واپس جاچکے تھے اور حملے کے وقت سکول میں غیر معمولی طور پر کم طلبہ موجود تھے۔سوئیڈن میں ماضی میں اس قسم کے چند واقعات سامنے آتے رہے ہیں، مارچ 2022 میں سویڈن کے شہر مالمو میں 18 سالہ طالب علم نے ہائی سکول کے دو اساتذہ کو چاقو مار کر ہلاک کردیا تھا۔اس سے دو ماہ قبل ایک 16 سالہ طالب علم کو ایک سکول میں ساتھی طالب علم اور ایک استاد کو چاقو حملے میں زخمی کرنے کے الزام میں گرفتار کیا گیا تھا۔
فائرنگ