دنیا بھر میں یوم یکجہتی کشمیر آج منایا جائے گا

     دنیا بھر میں یوم یکجہتی کشمیر آج منایا جائے گا

  IOS Dailypakistan app Android Dailypakistan app

  اسلام آباد (آئی این پی) جموں وکشمیر اور دنیا بھر میں  یوم یکجہتی کشمیر آج  5فروری کو بھرپورانداز میں منایا جائے گا۔  کشمیر ڈے کے موقع پر  ملک بھر میں مختلف سرکاری و غیر سرکاری اور مذہبی تنظیموں کی جانب سے کشمیری مسلمانوں کے ساتھ اظہار یکجہتی کیلئے جلسے جلوس اور ریلیاں نکالی جائیں گی،سیمینارز اور واکس منعقد کی جائیں گی۔ تمام سیاسی و مذہبی جماعتیں کشمیریوں سے تاریخی اظہار یکجہتی کریں گی۔کشمیریوں سے اظہار یکجہتی کیلئے طویل انسانی ہاتھوں کی زنجیر یں بنائی جائیں گئیں جس میں تمام جماعتوں کے کارکنان سماجی تنظیموں،تاجر برادری وکلاء سکول و کالج کے طلباء سمیت عوام کی کثیر تعداد شرکت کریں گے۔ اور بھارتی مظالم کے خلاف احتجاجی مظاہرے کیے جائیں گے مختلف اجتماعات میں کشمیر کی آزادی اور امت مسلمہ کی سلامتی کیلئے خصوصی دعائیں مانگی جائیں گی۔یوم کشمیر کے حوالے سے اخبارات خصوصی ایڈیشن شائع کریں گے جبکہ ٹی وی چینلز سے بھی خصوصی پروگرام نشر کیے جائیں گے 

یوم یکجہتی کشمیر

مزید :

صفحہ اول -