پی آئی ڈی کے زیر اہتمام یوم یکجہتی کشمیر کے حوالے سے سیمینار،واک کا انعقاد

    پی آئی ڈی کے زیر اہتمام یوم یکجہتی کشمیر کے حوالے سے سیمینار،واک کا ...

  IOS Dailypakistan app Android Dailypakistan app

لاہور  (اے پی پی)ڈائریکٹر جنرل پبلک ریلیشنز شفقت عباس نے کہا ہے کہ خطے میں پائیدار امن کے لیے اقوام متحدہ کی قراردادوں کے مطابق کشمیر کا حل ضروری، طاقت کے ذریعے کشمیریوں کی آواز کو دبایا نہیں سکتا ہے،اقوام متحدہ کی قراردادیں بہت واضح ہیں کہ کشمیریوں کو آزادانہ اور شفاف استصواب رائے کے ذریعے حق خودارادیت دیا جائے گا تاکہ وہ اپنے مستقبل کے بارے میں فیصلہ کرسکیں۔ ان خیالات کا اظہار انہوں نے منگل کے روز پریس انفارمیشن ڈیپارٹمنٹ کے زیر اہتمام 5 فروری کومنائے جانے والے یوم یکجہتی کشمیر کے سلسلہ میں منعقدہ سیمینار سے اپنے استقبالیہ خطاب میں کیا-سیمینار کے مقررین میں سینئر صحافی و تجزیہ کار مجیب الرحمن شامی، معروف تجزیہ نگار سلمان غنی، ڈاکٹر عرشہ سلیم، ساجد علی، طارق غوری، علی ساجد، حریت رہنما مشتاق احمد، سید ایم مہدی، ڈپٹی ڈائریکٹر پی آئی ڈی لئیق باجوہ شامل تھے جبکہ افسران، ملازمین سول سوسائٹی اور دیگر  اراکین نے بھی سیمینار میں شرکت کی۔ڈائریکٹر جنرل پبلک ریلیشنز شفقت عباس نے سیمینار کے شرکا کو خوش آمدید کہا اور اپنے خطبہ استقبالیہ میں کہا کہ آج ہم سب یہاں کشمیریوں سے اظہار یکجتی اور عالمی سطح پر بھارت کا اصل چہرہ بے نقاب کرنے کے لیے اکھٹا ہوئے ہیں۔انہوں نے کہا کہ مسئلہ خطے میں پائیدار امن کے لیے کشمیر کا حل ضروری ہے، اس مسئلہ کو اقوام متحدہ کی قراردادوں کے مطابق حل ہونا چاہیے حریت رہنما انجینئر مشتاق احمد نے خطاب کرتے ہوئے کہاکہ ہندوستان مقبوضہ کشمیر میں نہتے لوگوں پر ظلم کے پہاڑ ڈھارہا ہے، وہ طاقت کے ذریعے کشمیریوں کی آواز کو دبا نہیں سکتا،کشمیر میں کو ئی بھی ایسا گھر موجود نہیں جس پر بھارتیوں فوج نے ظلم کے پہاڑ نہ ڈھائے ہوں۔  طارق غوری نے کہا یو فورم برائے کشمیر مسئلہ کشمیر کے حل کے لیے اپنا بھرپور کردار ادا کر رہا ہے۔سید ایم مہدی نے خطاب کرتے ہوئے کہا کہ اس وقت دنیا میں دو بڑے تنازعات ہیں جن میں ایک کشمیر اور دوسرا فلسطین کا مسئلہ ہے، اقوام متحدہ سمیت بہت سے ممالک کی پارلیمنٹس میں پاکستانی مختلف عہدوں میں فائز ہیں اور اپنا کردار ادا کر رہے ہیں  -ڈاکٹر عرشہ سلیم نے کہا کہ ہم بچپن سے کشمیر پر بھارتی مظالم کے واقعات سن سن کر بڑے ہو چکے ہیں، لیکن کشمیریوں کے جذبے میں ذرا بھی کمی نہیں آئی، حکومتی سطح پر کشمیر کی آزادی کی سفارتی کوششیں تو اپنی جگہ ہیں لیکن،ہمیں ڈیجیٹل میڈیا کو استعمال کرتے ہوئے کشمیریوں کے حق آزادی کی آواز کو اقوام عالم کے سامنے پیش کرنے کے بطور قوم اپنا کردار ادا کرنا چاہیے  معروف صحافی اور اینکر سلمان غنی نے کہا کہ پریس انفارمیشن ڈیپارٹمنٹ کی طرف سے یوم یکجہتی کشمیر کے حوالے اس طرح کا سیمینار کا انعقاد خوش آئند ہے، جس پر میں پی آئی ڈی کی انتظامیہ کو مبارکباد پیش کرتا ہوں۔ انہوں نے کہا کہ بھارت مقبوضہ جموں و کشمیر کے لوگوں کی تحریک آزادی کو دبانے کی ناکام کوشش میں نسل کشی، ماورائے عدالت قتل، حراست میں تشدد، کیمیائی ہتھیاروں کے استعمال، بچوں اور خواتین کے خلاف تشدد، جبری گمشدگیوں، پیلٹ گنز، اجتماعی سزا، کالے قوانین، فالس فلیگ آپریشنز جیسے غیر قانونی، غیر انسانی اور غیر اخلاقی ہتھکنڈے استعمال کر رہا ہے'اس کے باجودہ ہمیں مایوس ہونے کی ضرورت نہیں، کشمیر کاز کو دبایا نہیں جاسکتا، جس کا ادراک بھارت کو بھی بخوبی ہو چکا ہے۔معروف صحافی و تجزیہ کار مجیب شامی نے کہا کہ سرکاری اداروں میں یوم یکجہتی کشمیر کے حوالے سے اس طرح کے سیمینارز کا انعقاد ایک اچھی روایت ہے، جس پر میں ڈی جی پی آئی ڈی شفقت حسین کو مبارکباد پیش کرتا ہوں،یہ ہمارا عہد ہے جس کو ہم ہر سال مناتے ہیں، ہم روز اول سے اس تحریک کیساتھ وابستہ ہیں 'وزیر اعظم لیاقت علی خان سے لے کر وزیر اعظم شہباز شریف تک تمام حکومتوں نے مسئلہ کشمیر کو عالمی سطح پر حل کروانے کی کوشش کی ہے' انہوں نے اس عزم کا اعادہ کیاکہ مقبوضہ کشمیر کے مظلوم عوام کی سیاسی، سفارتی اور اخلاقی حمایت مزید تیز کی جائے گی، وہ دن دور نہیں جب کشمیری عوام آزادی کا سورج دیکھیں گے۔  بعد ازاں کشمیروں سے اظہار یکجہتی کے لیے واک کا بھی اہتمام کیا گیا -واک کے شرکاء   نے کتبے اٹھا رکھے تھے جس پر کشمیریوں سے اظہار یکجتی کے لیے نعرے درج تھے -

پی آئی ڈی

مزید :

صفحہ آخر -