آباد کا تعمیراتی مسائل پر وائرل سوشل میڈیا ویڈیو سے اظہار لاتعلقی
کراچی(سٹاف رپورٹر)ایسوسی ایشن آف بلڈرز اینڈ ڈیولپرز (آباد)نے تعمیراتی شعبے میں حل نہ ہونے والے مسائل پر سندھ حکومت پر تنقید کرنے والی سوشل میڈیا پر وائرل ہونے والی ویڈیو سے باضابطہ طور پر خود کو الگ کرلیا ہے۔تفصیلات کے مطابق آباد کے سدرن ریجن کے چیئرمین احمد اویس تھانوی نے بتایا کہ ایک نامعلوم شخص اپنی شناخت چھپاتے ہوئے سوشل میڈیا پر صوبائی حکومت کی تعمیرات سے متعلق چیلنجز سے نمٹنے میں ناکامی پر مذمت کرتے ہوئے دیکھا گیاہے۔ احمد اویس تھانوی نے واضح کیا کہ آباد کا اس ویڈیو سے کوئی تعلق نہیں ہے اور اس میں بیان کردہ آرا آبادکے موقف کی نمائندگی نہیں کرتی ہیں۔احمد اویس تھانوی نے کہا کہ آباد اپنے ممبر بلڈرز کے تحفظات کو دور کرنے کیلیے ہمیشہ کوشاں رہی ہے، اگر آباد کے کسی رکن کو تحفظات یا مسائل ہیں، تو وہ سوشل میڈیا کا سہارا لینے کے بجائے آباد سیکریٹریٹ کو رپورٹ کرے۔انھوں نے بلڈرز اور ڈیویلپرز کو درپیش چیلنجوں سے نمٹنے کے لیے آباد کی کوششوں پر مزید روشنی ڈالتے ہوے بتایا کہ آباد نے حال ہی میں پاکستان پیپلز پارٹی (پی پی پی) کے چیئرمین بلاول بھٹو زرداری کی جانب سے تاجروں کے ساتھ ہونے والے اجلاس میں آباد کے چیئرمین محمد حسن بخشی نے تعمیراتی شعبے کودرپیش مسائل پر چیئرمین بلاول بھٹو کو آگاہی دی اور آباد نے تعمیراتی شعبے کی ترقی میں بڑی رکاٹوں کا خاکہ پیش کیا اور حکومت سے ان رکاوٹوں کو دور کرنے کی درخواست کی۔ جس کے بعد چیئرمین بلاول بھٹو زرداری نے وزیراعلی سندھ سید مراد علی شاہ کو مسائل کے حل کے لیے فوری اقدامات کرنے کی ہدایت کی۔ نتیجے کے طور پر، بلڈرز اور ڈویلپرز کے خدشات کا جائزہ لینے اور ان کو دور کرنے کے لیے ایک خصوصی کمیٹی تشکیل دی گئی۔نئی قائم ہونے والی کمیٹی نے اپنا پہلا اجلاس گزشتہ روز وزیراعلی مراد علی شاہ کی زیر صدارت طلب کیا۔ آباد کے چیئرمین حسن بخشی نے آباد کی جانب سے اہم سفارشات اور حل پیش کرتے ہوئے اجلاس میں حصہ لیا۔ تھا احمد اویس نوی کے مطابق، تجاویز کو غور سے سنا گیا اور آگے بھی اس طرح کے سیشن ہوتے رہیں گے۔حکومت سندھ پر اعتماد کا اظہار کرتے ہوئے احمد اویس تھانوی نے کہاہمیں یقین ہے کہ یہ کمیٹی اپنی بات چیت جاری رکھے گی، او تعمیراتی شعبے کو درپیش چیلنجوں سے نمٹنے کے لیے بھرپور کردار ادا کر گی۔ احمد اویس تھانوی نے اپنے اراکین پر بھی زور دیا کہ وہ شکایت کے ازالے کے لیے غیر سرکاری اور گمنام آن لائن مہمات میں شامل ہونے کے بجائے آباد کے چینل پر انحصار کریں۔
