کراچی: چھوٹو گینگ نام سے مشہور 6رکنی ڈکیت گینگ گرفتار

  کراچی: چھوٹو گینگ نام سے مشہور 6رکنی ڈکیت گینگ گرفتار

  IOS Dailypakistan app Android Dailypakistan app

کراچی(سٹاف رپورٹر)شاہ لطیف ٹاﺅن پولیس نے چھوٹو گینگ نام سے مشہور 6 رکنی ڈکیت گینگ کو گرفتار کرلیا۔ گرفتار ڈاکوﺅں کی عمریں 15 سے 17 سال کے درمیان ہیں جو چھینی ہوئی موٹر سائیکلوں کے پارٹس کھول کر فروخت کر دیتے تھے۔پولیس کے مطابق گرفتار ڈکیت گینگ ڈسٹرکٹ ملیر کے مختلف علاقوں شرافی گوٹھ، قائد آباد اور اسٹیل ٹاﺅن سمیت دیگر علاقوں میں ڈکیتی کی درجنوں وارداتوں میں ملوث ہیں۔ڈاکوﺅں کی شناخت بلال، ابراہیم، امان اللہ، اشوک، تائینین اور عبداللہ کے نام سے کی گئی جبکہ ان کے قبضے 4 موٹر سائیکل جو کہ تھانہ شاہ لطیف ٹاﺅن تھانے کی حدود سے چھینی گئی تھیں پولیس نے برآمد کی ہیں۔پولیس کے مطابق گرفتار ڈاکوﺅں نے اعتراف کیا ہے کہ واردات میں استعمال کیے جانے والا اسلحہ وہ اپنے گاﺅں سے لیکر آئے تھے جبکہ گرفتار ڈکیت پہلے بھی ڈکیتی کی وارداتوں میں گرفتار ہو کر جیل جا چکے ہیں۔ڈاکوﺅں کے قبضے سے 3 پستول، 25 گولیاں، 5 چھینے ہوئے موبائل فونز اور چھینی گئی 10 موٹر سائیکلوں کے چیسز برآمد ہوئے ہیں۔گرفتار 6 رکنی ڈکیت گروہ میں شامل ڈاکوﺅں کی عمریں 15 سے 17 سال کے درمیان ہیں جو کہ موٹر سائیکل چھیننے کے بعد ان کے پارٹس کھول کر فروخت کر دیتے تھے۔پولیس ڈاکوﺅں سے ان کی وارداتوں کے حوالے سے مزید تفتیش کر رہی ہے۔

مزید :

صفحہ آخر -