ہر پاکستانی کے دل میں کشمیر کی محبت لہو بن کر دوڑتی ہے: وزیراعلیٰ مریم نواز

ہر پاکستانی کے دل میں کشمیر کی محبت لہو بن کر دوڑتی ہے: وزیراعلیٰ مریم نواز
 ہر پاکستانی کے دل میں کشمیر کی محبت لہو بن کر دوڑتی ہے: وزیراعلیٰ مریم نواز

  IOS Dailypakistan app Android Dailypakistan app

لاہور ( ڈیلی پاکستان آن لائن )وزیرِاعلیٰ پنجاب مریم نواز  نے یومِ یکجہتی کشمیر پر اپنے پیغام میں کہاہے کہ ہر پاکستانی کے دل میں کشمیر کی محبت لہو بن کر دوڑتی ہے۔ وزیراعلیٰ مریم نواز نے کہاکہ جان کا نذرانہ دے کر حقِ خودارادیت کی شمع روشن رکھنے والے کشمیری شہداء کو خراجِ عقیدت پیش کرتے ہیں -سلام ان کشمیری بہن بھائیوں کو جو 7 دہائیوں سے بھارتی سفاکیت کا ڈٹ کر مقابلہ کر رہے ہیں - بھارتی بربریت نے جنت نظیر وادی کو جیل بنا دیا ہے-وزیراعلیٰ مریم نواز نے کہاکہ اقوام متحدہ اور دیگر عالمی ادارے کشمیر میں جاری خونریزی اور انسانی حقوق کی پامالی کے خلاف اپنا کردار ادا کریں - جب تک مسئلہ کشمیر اقوامِ متحدہ کی قراردادوں کے مطابق حل نہیں ہوتا، پائیدار امن ایک خواب ہی رہے گا۔ تاریخ گواہ ہے کہ ظلم کبھی زیادہ دیر نہیں ٹھہرتا،کشمیری عوام کی قربانیاں رائیگاں نہیں جائیں گی۔

وزیراعلی مریم نواز نے کہاکہ پاکستان کشمیریوں کی سفارتی، سیاسی اور اخلاقی حمایت ہر محاذ پرجاری رکھے گا۔ ہر عالمی فورم پر کشمیری عوام کے حق میں آواز بلند کرتے رہیں گے۔ کشمیری عوام آزادی کا سورج جلد دیکھیں گے۔