میری رائے میں اپوزیشن کو ملاقات کیلئے چیئرمین نیب کے پاس نہیں جانا چاہئے
پیپلز پارٹی کے مرکزی رہنما سعید غنی نے کہا ہے کہ میری رائے میں تو اپوزیشن کو چیئرمین نیب سے ملاقات کیلئے ان کے پاس نہیں جانا چاہئے اگر اپوزیشن سمیت کسی بھی رہنما کو نیب کے کام پر کوئی تحفظات ہیں تواس کے لئے بہترین پلیٹ فارم اسمبلی ہے اور وہاں سے اس نیب کے قانون کو بدلنے کیلئے ترامیم کی جانی چاہئے ۔ایشو آف دی ڈے میں گفتگو کرتے ہوئے ان کا کہنا تھا کہ مناسب ہو گا کہ اپوزیشن والے چیئرمین نیب کے پاس جانے کی بجائے نیب کے قوانین کو تبدیل کرنے کیلئے اپنا ایک اجلاس منعقد کریں ایک متفقہ پالیسی بنائیں ایک متفقہ سفارشات پر مبنی بل تیار کریں اسے اسمبلی میں پیش کریں ہم ان کا ساتھ دیں گے ۔
سعید غنی
