گنا خریداری،شوگر ملزم جلد کھولنے کافیصلہ، کٹوتی پرسخت ایکشن

گنا خریداری،شوگر ملزم جلد کھولنے کافیصلہ، کٹوتی پرسخت ایکشن

  



کوٹ ادو(تحصیل رپورٹر)صوبائی مشیر زراعت سردار عبدالحئی خان دستی نے کہا ہے کہ گنے کے کاشتکاراپنا گنا شوگر ملوں کو تک پہنچائیں، شوگر ملزگنا خریدنے کی پابند ہے جو مل گنا خرید نہیں کرے گی اس کی خلاف کاروائی عمل میں لائی جائے گی یہ بات انہوں نے گنے کی خریداری کے سلسلے میں شوگر ملز کے نمائندگان اور نمائندہ کاشتکاروں کے اجلاس کی صدارت کرتے ہوئے کہی، ڈپٹی کمشنر انجینئر امجد شعیب(بقیہ نمبر12صفحہ12پر)

خان ترین اور ایم این اے رضا ربانی بھی ان کے ہمراہ تھے، صوبائی مشیر نے کہا کہ وزیراعلیٰ پنجاب سردار عثمان بزدارکی ہدایت پر ضلع مظفرگڑھ کے گنے کے کاشتکار وں کو ان کو جائز حق دلوانا ہماری اولین ترجیح ہے اس کیلئے کسی قسم کا سمجھوتہ نہیں ہوگا، انہوں نے کہا کہ کسان ہمارے ضلع کا سب سے مظلوم طبقہ ہیں، ان کے حق پرکسی کو ڈاکہ نہیں ڈالنے دیں گے، ڈپٹی کمشنر امجد شعیب خان ترین نے کہا کہ شوگر ملز انتظامیہ کسانوں کو حکومتی ریٹ 190روپے فی من ادائیگی کو بروقت یقینی بنائے، وزن میں کٹوتی کرنے والوں کے خلاف کاروائی ہوگی، ایم این اے رضا ربانی نے کہا کہ گنے کے کاشتکاروں کا استحصال نہیں ہونے دینگے، وزن میں کٹوتی کرنے والوں اور سرکاری ریٹ پر ادائیگی نہ کرنے پر شوگر ملز انتظامیہ کے خلاف کاروائی کی جائے گی، اجلاس میں اسسٹنٹ کمشنر کوٹ ادو فیاض احمد، ڈپٹی ڈائریکٹر زارعت محمد یوسف الرحمن شیخ، صدر انجمن کاشتکاران میاں احسان دھنوتر، جنرل سیکرٹری مہر خالد محمود، سینئر نائب صدر محمد عثمان عاصم سمیت فاطمہ شوگر مل، شیخو شوگر مل اور رحمان حاجرہ شوگر مل کے نمائندگان اور نمائندہ کاشتکاروں نے شرکت کی۔ صوبائی مشیر زراعت سردار عبدالحئی خان دستی نے کہا کہ کسان سارا سال محنت کر کے گنے کی فضل تیار کرتا ہے، اگر اسے سال بعد بھی اس کا جائز حق نہ ملے تو یہ زیادتی ہے انہوں نے کہا کہ حکومت کاشتکاروں کے مفادات کی پاسبانی کرے گی، اجلاس میں فیصلہ کی گیا کہ تمام شوگر ملز کھول دی جائیں گی اورحکومتی ریٹ 190روپے فی من کے حساب سے گنا خرید کیا جائے گا، ورائٹی گنے پر کوئی کٹوتی نہیں ہوگی

مزید : ملتان صفحہ آخر