کیا مافیا چلانے والے لوگ ریاست سے زیادہ طاقتور ہیں؟ معروف اداکار کا وزیراعظم سے سوال
لاہور (ویب ڈیسک) پاکستان شوبز انڈسٹری کے معروف اداکار اعجاز اسلم نے ملک بھر میں بڑھتی لوڈشیڈنگ سے تنگ آکر وزیراعظم عمران خان سے ایک اہم سوال کیا ہے کہ کیا مافیا چلانے والے لوگ ریاست سے زیادہ طاقتور ہیں؟مائیکر و بلاگنگ سائٹ ٹوئٹر پر اعجاز اسلم نے اپنے ٹوئٹ میں وزیراعظم عمران خان کو مخاطب کرتے ہوئے لکھا کہ ’میرے معزز وزیراعظم صاحب میرا آپ سے بس ایک سادہ سا سوال ہے اور وہ یہ ہے کہ کیا کوئی ایسی اتھارٹی یا ادارہ ہے جو ہمیں کے الیکٹرک کے اس مافیا سے چھٹکارا دلواسکے جو سالوں سے چلتا آرہا ہے؟‘
Dear pm @ImranKhanPTI just a simple question.. is there any authority who can get rid of K ELECTRIC and the mafia running it for years ?Who are the people behind this messed up organization.. we have grown up seeing their atrocities on people .. are they more powerful than state
— aijaz aslam (@aijazz7) July 4, 2020
اعجاز اسلم نے لکھا کہ ’آخر اس مافیا تنظیم کے پیچھے کون لوگ ہیں؟ کیونکہ ہم تو لوگوں پر اِن کے مظالم دیکھ کر ہی بڑے ہوئے ہیں۔‘اداکار نے عمران خان سے سوال کیا کہ ’کیا مافیا چلانے والے یہ لوگ ریاست سے زیادہ طاقتور ہیں؟‘
اِس سے قبل اعجاز اسلم نے پاکستان کی گزشتہ دو سالوں سے لیکر اب تک کی موجودہ صورتحال پر شدید برہمی کا اظہار کرتے ہوئے اپنے ایک ٹوئٹ میں لکھا تھا کہ پیٹرول مافیا، پانی مافیا، بجلی مافیا، کرنسی میں کمی، کورونا بحران، شوگر مافیا، آٹا مافیا ، بے روزگاری، غربت اور اس کے علاوہ بھی بہت سے مسائل۔
انہوں نے لکھا تھا کہ تباہ کن دو سالوں نے یہ سب کچھ تو دکھا دیا ہے، آئیے ہم دیکھتے کہ آنے والے سال ہمارے لیے مزید کیا کیا لیکر آئیں گے۔واضح رہے کہ ملک بھر میں اعلانی اور غیر اعلانی لوڈشیڈنگ جاری ہے، گرمی میں بجلی کی طلب میں اضافے کے باعث لوڈشیڈنگ کا دورانیہ بھی بڑھ گیا ہے جس سے پاکستانی عوام شدید مشکلات کا شکار ہے۔