"مزید آئٹم سانگ نہیں کروں گی کیونکہ۔۔۔"

"مزید آئٹم سانگ نہیں کروں گی کیونکہ۔۔۔"

  

کراچی(ڈیلی پاکستان آن لائن) پاکستانی فلم ’نامعلوم افراد 2 ‘ میں ’کیف و سرور‘ نامی  آئٹم  سانگ سے شہرت کی نئی بلندیوں کو چھونے والی صدف کنول نے آئندہ آئٹم سانگ نہ کرنے کااعلان کیاہے۔

شہروز اور صدف نے انڈی پینڈنٹ اردو کو دیئے گئے ایک انٹرویو میں اپنی شادی، آنے والے پراجیکٹ آئٹم سانگ اور دیگر امور پر گفتگو کی۔اس دوران آئٹم سانگ پر بات کرتے ہوئےصدف نے کہا کہ انہوں نے شہروز سے کبھی بھی اس بارے میں بات نہیں کی کیونکہ وہ بھی ایک آرٹ تھا، ایک کام تھا جو انہوں نے کیا اور ’میں اسے مکمل طور پر اپناتی ہوں اور مجھے وہ بہت پسند ہے۔‘

دوسری جانب شہروز کے خیال میں آئٹم نمبر فلم کی کہانی میں ضروری ہو تب ہی ہونا چاہیے، بلاوجہ فلم کو بیچنے کے لیے نہیں ہونا چاہیے۔

شہروز کا مزید کہنا تھا کہ ذاتی طور پر ’کیف و سرور‘ ان کا سب سے پسندیدہ گانا ہے۔

صدف کنول نے بہت واضح انداز میں کہا کہ اب اگر انہیں کسی فلم میں آئٹم نمبر کی پیشکش ہوتی ہے تو وہ انکار کردیں گی، کیونکہ وہ پہلے اکیلی تھیں اور اب ان کی شادی ہوگئی ہے۔ ’میرا بہت بڑا خاندان ہے اس لیے ہر چیز دیکھ کر چلنا ہوتا ہے۔‘

اپنے انٹرویو میں انہوں نے بڑی عید پر آنے والی ان کی ٹیلی فلم 'نہ گھر کا نہ گھاٹ کا ' پر بات کرتے ہوئے کہا کہ یہ ایک مزاحیہ فلم ہے جو عید پر لوگوں کی خوشیوں میں اضافہ کرے گی۔ انہوں نے اپنے مزاحیہ کردار کرنے کے بارے میں کہا کہ وہ چاہتی تھیں کہ اس بار کچھ نیا کریں۔

اپنے انٹرویو میں انہوں نے شادی پر کی جانے والی تنقید اور سوشل میڈیا ٹرولنگ پر بھی بات چیت کی۔ صدف کے مطابق انہیں اس سے کوئی فرق نہیں پڑا۔

مزید :

تفریح -