امریکی سفارتخانے پر میزائلوں سے حملہ لیکن بچاو کیسے ہوا؟

امریکی سفارتخانے پر میزائلوں سے حملہ لیکن بچاو کیسے ہوا؟
امریکی سفارتخانے پر میزائلوں سے حملہ لیکن بچاو کیسے ہوا؟

  

بغداد(ڈیلی پاکستان آن لائن)عراق کے دارالحکومت بغداد کے وسط میں قائم امریکی سفارت خانے کے اطراف میں ایک بار پھر میزائل داغے گئے ہیں۔

العربیہ  کے مطابق ہفتے کی شب بغداد میں کاتیوشا میزائل سے امریکی سفارت خانے کو نشانہ بنایا گیا مگر سفارت خانے کے قریب نصب میزائل شکن پیٹریاٹ سسٹم کے ذریعے میزائل حملہ ناکام بنا دیا گیا۔

خیال رہے کہ عراق میں عسکری گروپوں پرامریکی سفارت خانے اور امریکا کی دیگر تنصیبات کو نشانہ بنائے جانے کا الزام عاید کیا جاتا ہے۔

قبل ازیں 18 جون کو امریکی سفارت خانے پر چار کاتیوشا میزائل داغے گئے تھے۔ اس سے قبل 13 جون کو شمالی بغداد میں قائم امریکی فوج کے ایک کیمپ کو نشانہ بنایا گیا تھا۔

مزید :

بین الاقوامی -عرب دنیا -