نالہ لئی میں پانی کی سطح میں اضافہ ہونے لگا ،کٹاریاں 6 فٹ، گوالمنڈی کے مقام پر 4 فٹ تک پہنچ گیا

نالہ لئی میں پانی کی سطح میں اضافہ ہونے لگا ،کٹاریاں 6 فٹ، گوالمنڈی کے مقام پر ...
نالہ لئی میں پانی کی سطح میں اضافہ ہونے لگا ،کٹاریاں 6 فٹ، گوالمنڈی کے مقام پر 4 فٹ تک پہنچ گیا

  

راولپنڈی ( ڈیلی پاکستان آن لائن ) راولپنڈی کے نالہ لئی میں پانی کی سطح میں اضافہ ہونے لگا ،  کٹاریاں کےمقام پرنالہ لئی میں پانی کی سطح 6 فٹ پرپہنچ گئی،  گوالمنڈی کےمقام پرنالہ لئی میں پانی کی سطح 4 فٹ ہے۔

نجی ٹی وی" دنیا نیوز "کے مطابق ایم ڈی واسا نے کہا کہ  ہنگامی حالات سے نمٹنے کیلئے تیاریاں  مکمل کر لی گئی ہیں ،  نشیبی علاقوں میں ہیوی مشینری پہنچادی گئی۔ نالہ لئی میں پانی کی سطح پر مسلسل نظر رکھے ہوئے ہیں ۔

دوسری جانب محکمہ موسمیات نے آج ملک کے مختلف علاقوں میں بارش کی پیش گوئی کی ہے ، محکمہ موسمیات کے مطابق  کوئٹہ، خضدار، قلات، لسبیلہ، پنجگور، اواران،ژوب ،  تربت سبی،کوہلو،ہرنائی،چمن،زیارت،نصیرآبادمیں بارش کا امکان ہے ۔

 آئندہ 24 گھنٹےکےدوران  ایبٹ آباد،مانسہرہ،بٹگرام،کوہستان،ہری پور،تور غر ،  ملاکنڈ،شانگلہ،سوات،بونیر،دیر،باجوڑ،مہمند،صوابی میں بارش کاامکان ہے ۔

مزید :

اہم خبریں -قومی -ماحولیات -