پنجاب انسٹیٹیوٹ آف نیور وسائنسز اورجنرل ہسپتال لاہور میں بھی ادویات چوری کرنے والا گینگ پکڑا گیا

پنجاب انسٹیٹیوٹ آف نیور وسائنسز اورجنرل ہسپتال لاہور میں بھی ادویات چوری ...
پنجاب انسٹیٹیوٹ آف نیور وسائنسز اورجنرل ہسپتال لاہور میں بھی ادویات چوری کرنے والا گینگ پکڑا گیا

  

لاہور( جاوید اقبال  سے) پنجاب انسٹیٹیوٹ آف کارڈیالوجی اور میو ہسپتال کے بعد پنجاب انسٹیٹیوٹ آف نیورو سائنسز(پنیز) جنرل ہسپتال لاہور میں بھی ادویات چوری کرنے والا بڑا گینگ پکڑا گیا ۔ گینگ کے زیادہ تر اراکین مقامی یونین کے عہدیدار ہیں جنہیں پیر کے روز رنگے ہاتھوں  ادویات سمیت پکڑ لیا ۔ سیکیورٹی عملے نے  ادویات برآمد کر لیں جن کی مالیت لاکھوں روپے ہے میڈیکل سپریٹنڈنٹ کے حوالے کردیں، ایم ایس نے فوری کارروائی کرتے ہوئے تحقیقاتی کمیٹی تشکیل دیدی ہے ۔

بتایا گیا ہے کہ میڈیکل سپرنٹنڈنٹ ڈاکٹر خالد بن اسلم کو خفیہ ذرائع سے اطلاع ملی کہ سرکاری ملازمین جن میں اکثریت یونین عہدیداروں کی ہے ایک گینگ تشکیل دے رکھا ہے  یہ پینز اور جنرل ہسپتال کے سٹورز سے مہنگی ترین ادویات چوری کرتے ہیں۔

 ایم ایس  نے فوری طور پر ایڈیشنل ایم ایس پر چیز اور چیف فارماسسٹ کو موقع پر طلب کیا اور فوری تحقیقاتی کمیٹی قائم کر دی۔ اس حوالے سے ایم ایس ڈاکٹر خالد بن اسلم سے بات کی گئی تو انہوں نے کہا کہ تحقیقات شروع کر دی ہیں جو ذمہ دار ہوں گے ان کے خلاف کارروائی ہو گی۔

مزید :

علاقائی -پنجاب -لاہور -