گوگل نے اداکارہ نوتن کی 81ویں سالگرہ پرزبر دست خراج تحسین کیا

گوگل نے اداکارہ نوتن کی 81ویں سالگرہ پرزبر دست خراج تحسین کیا
 گوگل نے اداکارہ نوتن کی 81ویں سالگرہ پرزبر دست خراج تحسین کیا

  


لاہور(اے این این) گوگل نے بھارتی فلم انڈسٹری کی ماضی کی نامور اداکارہ نوتن کی 81 ویں سالگرہ پر انہیں زبردست خراج تحسین پیش کرتے ہوئے ڈوڈل متعارف کروا دیا۔اداکارہ نوتن 4 جون 1936 کو بھارتی فلم انڈسٹری کے معروف اور اعلی تعلیم یافتہ گھرانے میں پیدا ہوئیں اور ان کا پورا نام نوتن سمرتھ تھا تاہم وہ فلموں میں صرف نوتن کے نام سے مشہور ہوئیں۔نوتن نے فنی کیر ئیر کا آغاز1950 میں صرف 14 برس کی عمر میں اپنی والدہ شوبھنا کی ہدایت کاری میں بننے والی فلم ہماری بیٹی سے کیا اور پھر 1952 میں مس انڈیا کا ٹائٹل جیتنے والی نوتن نے فلم پینگ گیسٹ میں اداکار دیو آنند کے ساتھ یاد گار کردار نبھایا جس نے انہیں شہرت کی بلندیوں پر پہنچادیا، 1960 میں نوتن کا شمار فلم انڈسٹری کی صف اول کی اداکاراؤں میں کیا جانے لگا۔چار دہائیوں تک 70 سے زائد فلموں میں اداکاری کے جوہر دکھانے والی نوتن کی کامیاب فلموں میں میں تلسی تیرے آنگن کی، دیوی، ساجن کی سہیلی، ملن،بندنی، کرما، میری جنگ، نام، سجاتا اور اناڑی شامل ہیں۔ فلموں میں بہترین خدمات انجام دینے پر انہیں پدما شری اور فلم فیئر سمیت متعدد ایوارڈز سے بھی نوازا گیا۔اداکارہ نوتن 90 کی دہائی میں کینسر جیسے موذی مرض کا شکار ہوکر21فروری 1991کو انتقال کر گئی تھیں۔

مزید : کلچر