جو کو ریلیز ہونے والی پاکستانی ہارر فلم ’کٹاکشا‘ کا ٹریلر جاری

جو کو ریلیز ہونے والی پاکستانی ہارر فلم ’کٹاکشا‘ کا ٹریلر جاری

  

لاہور(فلم رپورٹر)پاکستانی ہارر فلم ’کٹاکشا‘ کا ٹریلر ریلیزکردیا گیا ہے، فلم 21 جون کو نمائش کے لیے پیش کی جائے گی۔سجاد علی شاہ جو کہ سوشل میڈیا پر ’ ابو علیحہ‘ کے نام سے مشہور ہیں، کی ہدایت کاری میں بننے والی خوف ودہشت سے بھرپور پاکستانی ہارر فلم’کٹاکشا‘ کا ٹریلر جاری کردیا گیا ہے، فلم 21جون کو نمائش کے لئے پیش کی جائے گی۔فلم ’کٹاکشا‘کی مرکزی کاسٹ میں سلیم معراج، کرن تعبیر، نمرا شاہد ، قسیم خان اور مبین گبول شامل ہیں۔ فلم کا نام پوٹھوہار ریجن میں ہندوو¿ں کے لئے متبرک مقام کٹاس راج سے لیا گیا ہے اور فلم کی زیادہ تر شوٹنگ بھی وہیں کی گئی ہے۔’کٹاکشا‘ ایک غیر روایتی فلم ہے کیونکہ اس میں نا تو کوئی آئٹم سانگ ہے اور نا ہی محبت بھرے مناظر۔ فلم کی کہانی چار افراد کے گرد گھومتی ہے جوکہ ایک نیوز چینل کے لئے کام کرتے ہیں اور آسیب زدہ مقامات پر شو ریکارڈ کرتے ہیں۔

اسی طرح کا ایک شو ریکارڈ کرنے کی غرض سے وہ ایک ایسی جگہ جاتے ہیں جہاں ماضی میں قتل کی ایک واردات ہوچکی ہے اور اس کے بعد وہاں ہونے والے پراسرار واقعات کی وجہ سے لوگ اسے آسیب زدہ قرار دے چکے ہیں۔فلم کے کرداروں کے ساتھ پیش آنے والے واقعات کے باعث کہانی میں کئی موڑ آتے ہیں کہ کیا وہ جگہ واقعی آسیب زدہ ہے یا نہیں۔

مزید :

کلچر -