آئی جی نے ناقص کارکردگی والے ڈی پی اوزکی رپورٹ طلب کرلی

آئی جی نے ناقص کارکردگی والے ڈی پی اوزکی رپورٹ طلب کرلی

  

لاہور(کرائم رپورٹر)ناقص کارکردگی اور مسلسل منفی زون میں آنے والے ڈی پی اوز کے تبادلے متوقع ہیں، آئی جی پنجاب نے متعدد ڈی پی اوز کو کرائم میٹنگ میں ناقص کارکردگی پر تبادلے کا عندیہ دے دیا۔آئی جی پنجاب متعلقہ برانچ سے ڈی پی اوز کی فائلیں اور رپورٹیں طلب کر لیں۔تفصیلات کے مطابق مسلسل ناقص کارکردگی والے ڈی پی اوز کیلئے خطرہ بڑھ گیا ہے، کیونکہ ان کے اپنے ہی اعداد و شمار نے ان کی ضلع چلانے کی اہلیت پر سوالات اٹھا دیے ہیں۔ اس حوالے سے آئی جی نے مسلسل منفی زون میں رہنے والے اور کارکردگی ٹھیک نہ کرنیوالے ڈی پی اوز کی فائلیں طلب کر لیں۔ اسی حوالے سے متعلقہ برانچ سے سیالکوٹ، مظفرگڑھ، گجرات، چنیوٹ، ننکانہ صاحب، حافظ آباد، منڈی بہاو الدین، پاکپتن، خانیوال اورراجن پور کے ڈی پی اوز کی فائلیں طلب کی گئی ہیں۔ اضلاع میں ہدایات کے باوجود کرائم پر قابو اور دیگر معاملات کو بہتر نہیں بنایا جا سکا، جس کی وجہ سے اگلے چند روز میں مسلسل منفی زون میں آنیوالے ڈی پی اوز کے تبادلے متوقع ہیں

مزید :

علاقائی -