وزیر اعلیٰ سندھ نے تھرکول ون کو پانی پہنچانے کیلئے منصوبہ کا سنگ بنیاد رکھ دیا

وزیر اعلیٰ سندھ نے تھرکول ون کو پانی پہنچانے کیلئے منصوبہ کا سنگ بنیاد رکھ ...

  

       کراچی (سٹاف رپورٹر)وزیراعلی سندھ سید مراد علی شاہ نے تھرکول بلاک ون کو بجلی کی پیداوار کے لیے نبی سر سے وجیھر تک پانی پہنچانے کی اسکیم کا سنگ بنیاد رکھ دیا۔اس موقع تقریب سے خطاب میں وزیر اعلی سندھ سید مراد علی شاہ نے کہا کہ تھر بلاک ون سے کوئلے کے ذریعے ہزار 650 میگاواٹ بجلی پیدا کی جائے گی، پانی کے منصوبے کے تحت فراش ریگیولیٹر سے نبی سر تک 200 کیوسک کی کینال تعمیر کی جارہی ہے۔انہوں نے کہا کہ کینال کے 200 کیوسک پانی میں سے 45 کیوسک پانی پرائیویٹ پاور کمپنی کو دیا جائے گا،سید مراد علی شاہ نے کہا کہ حکومت سندھ یہ منصوبہ کویت کی سرکاری کمپنی انرٹیک کے اشتراک سے پبلک پرائیویٹ پارٹنرشپ کے تحت شروع کررہی ہے جس کی لاگت 18 کروڑ 23 لاکھ 50 ہزار روپے ہے۔منصوبے کے ارتقا کے حوالے سے آگاہی فراہم کرتے ہوئے مراد علی شاہ نے کہا کہ کویت کی کمپنی کے ساتھ نبی سر سے وجیھر تک پانی کے منصوبے کیلیے جون 2021 میں معاہدہ ہوا تھا۔کویت کی کمپنی 45 کیوسک پانی کی پائپ لائن 60.7 کلومیٹر نبی سر سے وجیھر تک بچھائی جائیگی جبکہ نبی سر میں 45 دن پانی کے ذخیرے کے لیے تالاب بنایا جائے گا اور وجیھر میں 30 دن پانی کے ذخیرے کے لیے ایک تالاب تعمیر کیا جائے گا۔ وزیر اعلی نے کہا کہ 48 کیوسک پانی کو پمپ کرنے کیلئے 4.8 میگاواٹ کا پاور پلانٹ لگایا جائے گا، 60 کیوسک کی 2 پمپنگ اسٹیشن بھی قائم کیے جائیں گیجبکہ41 کیوسک گندے پانی کو صاف کرنے کے لیے ٹریٹمنٹ پلانٹ بھی لگایا جائے گا۔وزیر اعلی  سندھ نے کہا کہ حکومت سندھ کی کامیابی ہے کہ اتنے بڑے پانی کے منصوبے کے لیے کویت کے ساتھ معاہدے ہوا، یہ ملک کے پانی کا پہلا منصوبہ ہے جو پبلک پرائیویٹ پارٹنر شب کے تحت تعمیر کیا جارہا ہے، اس منصوبے سے حکومت سندھ کو 35 ارب روپے کا مستقبل میں فائدہ ہوگا۔یہ پروجیکٹ ایک سال کی مدت میں تعمیر ہوگا، تقریب میں صوبائی امتیاز شیخ، سید سردار شاہ، تیمور ٹالپر، جام خان شعور، ایم این اے میر منور ٹالپر، ڈاکٹر مہیش ملانی، ڈاکٹر کھٹومل بھی تقریب میں شریک ہوئے۔کویت کی حکومت کا شکریہ ادا کرتے ہوئے کہا کہ اس صوبے کی عوام کو تمام سہولیات مہیا کرنا اولین ترجیح ہے، بجلی کی پیداوار کیلئے پانی کی ضرورت ہے، پاکستان کی یہ سب سے سستی بجلی ہوگی پانی کا اس وقت شدید بحران ہے وزیر اعلی نے کہا کہ پانی کی قلت پر وزیراعظم سے بات کروں گا، سندھ کو اپنے حصہ کا پورا پانی ملنا چاہیے۔انہوں نے کہاکہ چیئرمین بلاول بھٹو کی قیادت میں پیپلزپارٹی آپ کو مایوس نہیں کریگی، چین نے اس صوبے کی بہت مدد کی۔

مزید :

صفحہ اول -