حج کا ارادہ رکھنے والے پاکستانیوں کو سعودی عرب نے بڑی خوشخبر ی سنا دی

حج کا ارادہ رکھنے والے پاکستانیوں کو سعودی عرب نے بڑی خوشخبر ی سنا دی
حج کا ارادہ رکھنے والے پاکستانیوں کو سعودی عرب نے بڑی خوشخبر ی سنا دی

  

ریاض(ڈیلی پاکستان آن لائن) سعودی عرب نے پاکستان سمیت 5 ممالک کے عازمین حج کے لیے ’’روڈ ٹو مکہ‘‘ سہولت متعارف کرادی ہے۔سعودی وزارت داخلہ کی جانب سے جاری بیان میں بتایا گیا ہے کہ روڈ ٹو مکہ کی سہولت کے حامل ممالک کے عازمین حج کو ان کے ممالک میں ہی امیگریشن کی سہولتیں فراہم کی جاتی ہیں جس سے حاجیوں کو کافی سہولت اور آسانی ہوتی ہے۔

سعودی میڈیا کے مطابق کورونا وبا کی پابندیوں کے خاتمے کے بعد کے پہلے حج کی گہماگہمی عروج پر ہے اس دوران پہلے بیرون ملک پرواز سے عازمین حج سرزمین مقدس پہنچ چکے ہیں۔

اس موقع پر سعودی عرب وزارت داخلہ نے خوشخبری سنائی ہے کہ 5 ممالک کے عازمین حج کے لیے ’’روڈ ٹو مکہ‘‘ سہولت کا آغاز ہوگیا ہے۔ ان ممالک میں پاکستان بھی شامل ہے۔پاکستان کے علاوہ اس سہولت سے مستفید ہونے والے ممالک میں بنگلادیش، ملائیشیا، مراکش اور انڈونیشیا شامل ہیں۔ یہ سہولت صرف بیرون ملک سے آنے والے عاز مین حج کے لیے مختص ہوتی ہے۔

مزید :

عرب دنیا -