سپریم کورٹ؛آڈیو لیکس کمیشن کیس کی آخری سماعت کا تحریری حکم نامہ جاری 

اسلام آباد(ڈیلی پاکستان آن لائن)سپریم کورٹ آف پاکستان نے آڈیو لیکس کمیشن کیس کی آخری سماعت کا تحریری حکم نامہ جاری کر دیا۔
نجی ٹی وی چینل دنیا نیوز کے مطابق تحریری حکم نامے میں کہاگیاہے کہ اٹارنی جنرل نے بتایا وفاقی حکومت نے 5 رکنی لارجر بنچ پر اعتراض کیا ہے،بتایا گیا ججز کیخلاف وفاق نے تحریری درخواست بھی دے دی ہے، رجسٹرار آفس وفاقی حکومت کی درخواست کو رجسٹرڈ کرے۔
حکمنامے میں مزید کہاگیاہے کہ آڈیو لیکس کمیشن کے جواب میں فریقین جواب کر اسکتے ہیں ،ریاض حنیف کی آڈیو لیکس کمیشن کیخلاف توہین عدالت کی درخواست پر اعتراضات ہیں،ریاض حنیف چاہیں تو اعتراض ختم کرکے درخواست دوبارہ دے سکتے ہیں،آڈیو لیکس کمیشن کیخلاف مزید سماعت6 جون کو ہو گی ۔