لاہور کے نجی سکولوں اور اکیڈمیز میں موسم گرما کی چھٹیوں میں سمرکیمپ اور امتحانات لینے پر پابندی
لاہور ( ڈیلی پاکستان آن لائن ) صوبائی دارالحکومت لاہور کے نجی سکولوں اور اکیڈمیز میں موسم گرما کی چھٹیوں میں سمرکیمپ اور امتحانات لینے پر پابندی عائد کردی گئی ہے ۔"جیو نیوز " کے مطابق سی ای او ایجوکیشن اتھارٹی لاہور پرویز اختر کے مطابق گرمیوں کی چھٹیوں میں کسی سکول یا اکیڈمی کو سمر کیمپ لگانے اور امتحانات لینےکی اجازت نہیں ہوگی۔ دوران تعطیلات سکولوں میں ہر طرح کی نصابی و غیرنصابی سرگرمیوں پر مکمل پابندی ہوگی، والدین سی ای او ایجوکیشن آفس کے شکایت سیل میں درخواست دے سکتے ہیں۔
ایجوکیشن نے کمیٹیاں بھی تشکیل دے دی ہیں، 3 ڈی ای اوز، 12ڈپٹی ڈی ای اوز اور 50 اےای اوز پر مشتمل تحصیل اور مرکز کی سطح پر ٹیمیں قائم کی گئی ہیں، ٹیمیں روزانہ کی بنیاد پر رپورٹ پیش کریں گی۔ چھٹیوں کے دوران کسی بھی قسم کے امتحانات لینے پر بھی پابندی ہوگی، ٹیمیں ضلع لاہور میں اپنے علاقوں کا دورہ کریں گی، خلاف ورزی کے مرتکب ادارے کے خلاف سخت کارروائی کی جائےگی۔
