ورلڈکپ 2015ء، پاکستانی شائقین کرکٹ بھی ویسٹ انڈیز کیخلاف بھارت کی فتح کیلئے دعاگو

ورلڈکپ 2015ء، پاکستانی شائقین کرکٹ بھی ویسٹ انڈیز کیخلاف بھارت کی فتح کیلئے ...
ورلڈکپ 2015ء، پاکستانی شائقین کرکٹ بھی ویسٹ انڈیز کیخلاف بھارت کی فتح کیلئے دعاگو

  

پرتھ (نیوز ڈیسک) ورلڈکپ 2015ءکے موقع پر کرکٹ کا جنون سرچڑھ کر بول رہاہے لیکن پاکستان کی تاریخ میں پہلی مرتبہ یہ بھی دیکھاگیاہے کہ ویسٹ انڈیز کے خلاف بھارت کی فتح کے لیے پاکستانی شائقین بھی دعاگوہیں ،بھارت کی جیت سے پاکستانی کرکٹ ٹیم کو اگلے راﺅنڈ میں پہنچنے میں مدد ملے گی ۔

عرب میڈیا کے مطابق پوائنٹس ٹیبل میں کسی بھی ٹیم کی پوزیشن واضح نہیں ، پاکستان اور بھارت جبکہ انگلینڈ اورآسٹریلیا روایتی حریف سمجھے جاتے ہیں جن کے مقابلوں کے دوران پوری قوم جیت کے لیے اپنی ٹیم کا ساتھ دیتی ہے لیکن جمعہ کو پرتھ میں ہونیوالے بھارت ویسٹ انڈیز کے مقابلے کے دوران پاکستانی شائقین بھی روایتی حریف بھارت کی فتح کیلئے دعاگو ہیں ۔

پاکستانی ٹیم اپنے پول میں دومیچ ہارکر مسلسل دومیچ جیت چکی ہے اور شارجہ میں موجود پاکستانی زبیراعوان نے بھارت کی جیت کے لیے دعاکرتے ہوئے کہاکہ اس سے پاکستان کو اگلے مرحلے تک رسائی میں مدد مل سکتی ہے ۔55سالہ بھارتی شہری محمداکبر نے پاکستان کیلئے نیک خواہشات کااظہار کرتے ہوئے کہاکہ 1992ءکی تاریخ 2015ءمیں دہرائی جاسکتی ہے ۔

رپورٹ کے مطابق بھارت مضبوط ٹیم ہے اور ویسٹ انڈیز سے جیت کے امکانات زیادہ ہیں جبکہ پاکستان ویسٹ اندیز سے ہارچکاہے ۔ پول میچ میں تین مسلسل فتوحات کے ساتھ بھارت اپنے پول میں چھ سکور کے ساتھ ٹاپ پر ہے جبکہ چارمیچوں میں سے تین جیت کر جنوبی افریقہ دوسرے نمبر پر ہے ۔ کوارٹرفائنل کے لیے بھارت اور جنوبی افریقہ کوالیفائی کرچکے ہیں جبکہ پاکستان ، آئرلینڈ، ویسٹ انڈیز ، اورزمبابوے نے اگلے مرحلے کے لیے اپنے میچ جیتنے ہیں ۔

پاکستان اور جنوبی افریقہ کے درمیان کھیلے جانیوالے میچ میں پندرہ مارچ کو بارش کا امکان ہے ۔

مزید :

Cricket World Cup 2015 -اہم خبریں -