ملک کو ترقیاتی ریاست میں تبدیل کرنا حکومت کا وژن ہے ،نوازشریف

ملک کو ترقیاتی ریاست میں تبدیل کرنا حکومت کا وژن ہے ،نوازشریف

اسلام آباد(آن لائن)وزیراعظم محمد نوازشریف نے کہا ہے کہ پاکستان کو ترقیاتی ریاست میں تبدیل کرنا حکومت کا وژن ہے ،فاٹا اور گلگت بلتستان سمیت تمام صوبوں یکساں حقوق فراہم کرنا ناگزیر ہے ، ملک کی تمام اکائیوں میں یکساں ترقی کے بغیر حکومتی وژن کی تکمیل نہیں ہوسکتی،گوادر بندر گاہ سے بلوچستان اور خطے کے عوام کی زندگیاں بدل جائیں گی۔وزیراعظم نوازشریف سے وزیراعلیٰ بلوچستان ثناء اللہ زہری نے وزیراعظم ہاؤس میں ملاقات کی جہاں انہوں نے وزیراعظم نوازشریف کو صوبے میں جاری ترقیاتی منصوبوں کی پیشرفت سے آگاہ کیا ۔اس موقع پر وزیراعظم نوازشریف نے کہا کہ تمام صوبوں کو وسائل کی تقسیم یقینی بنانا ہماری ذمہ داری ہے۔ فاٹا اور گلگت بلتستان کو بھی یکساں وسائل فراہم کرنا چاہتے ہیں بلوچستان میں جاری منصوبوں اور سکیموں کی رفتار کی خود نگرانی اس بات کی عکاس ہے حکومت ملک میں ترقی کے ایجنڈے پر گامزن ہے ۔ گوادر بندر گاہ سے بلوچستان اور خطے کے عوام کی زندگیاں بدل جائیں گی حکومت کے ترقیاتی اقدامات سے بلوچستان کے عوام بااختیار ہوں گے آج حکومتی اقدامات کی بدولت بلوچ عوام کو بہتر زندگی کا ادراک ہو گا کیو نکہ حکومتی اقدامات کی بدولت ملک میں سلامتی کی صورتحال بہتر ہورہی ہے ۔ ثناء اللہ زہری نے وزیراعظم نوازشریف کی جانب سے بلوچستان میں ترقیاتی منصوبوں کو سراہتے ہوئے کہاکہ عوامی بہبود کے منصوبوں پر نئے جذبے سے کام ہورہا ہے اوروفاقی حکومت کے اقدامات سے صوبے کی محرومی کا خاتمہ ہوا ہے ۔

نواز شریف

مزید : علاقائی