کراچی میں سرمایہ کاروں کیلئے نہایت موزوں حالات ہیں : گورنر سندھ
راچی (اسٹاف رپورٹر)گورنر سندھ محمد زبیر نے کہا ہے کہ کراچی میں امن و امان کے قیام کے بعد ملکی اور غیر ملکی سرمایہ کاروں کے لئے نہایت موزوں حالات ہیں اس لئے ملکی اور غیر ملکی سرمایہ کار ملک کے معاشی حب کراچی کی استعداد سے فائدہ اٹھائیں۔ان خیالات کا اظہار انہوں نے ہفتہ کو اے کے ڈی سکیورٹیز کے زیر اہتمام دبئی میں پاکستان انوسٹمنٹ روڈ شو سے خطاب کرتے ہوئے کیا ۔اس دو روزہ کانفرنس کا مقصد پاکستان میں سرمایہ کاری کے سازگار حالات،خصوصا کراچی میں اس ضمن سازگار ماحول کے بارے میں سرمایہ کاروں کو آگاہی دینا ہے۔گورنر سندھ نے کہا کہ کراچی میں مختلف شعبوں میں سرمایہ کاری کے بے پناہ مواقع موجود ہیں اور ا س سے استفادہ کر کے نہ صرف صنعتوں کو فروغ دیا جا سکتا ہے بلکہ منافع بخش کاروبار کے ساتھ ساتھ روزگار کے نمایاں مواقع بھی پیدا کئے جاسکتے ہیں۔انہوں نے کہا کہ کراچی کو عالمی معاشی نقشہ پر نمایاں جگہ دلانے کی لئے مشترکہ کوششوں کی ضرورت ہے اور اس طرح کے روڈ شوز اس ضمن میں بے حد مدد گار ثابت ہوں گے۔گورنر سندھ نے کہا کہ سی پیک نہ صرف اس خطہ بلکہ پوری دینا کے لئے معاشی میدان میں گیم چینجر کی حیثیت رکھتا ہے اور اس کی تکمیل سے پاکستان میں ترقی و خوشحالی کے نئے دور کا آغازہھوگا۔گورنر سندھ نے مزید کہا کہ صوبہ میں سرمایہ کاری کرنے والی کمپنیوں کو ہرممکن سکیورٹی فراہم کی جائے گی تاکہ وہ سکیورٹی خدشات سے بے فکر ہو کر اپنے ترجیحی شعبہ میں سرمایہ کاری کرسکیں
