زندہ دلا ن لاہو ر اورزندہ دلان پاکستان کا شکر گزار ہوں،عوام کی حمایت کے بغیر یہ میلہ سجانا ممکن نہیں تھا:نجم سیٹھی

زندہ دلا ن لاہو ر اورزندہ دلان پاکستان کا شکر گزار ہوں،عوام کی حمایت کے بغیر ...
 زندہ دلا ن لاہو ر اورزندہ دلان پاکستان کا شکر گزار ہوں،عوام کی حمایت کے بغیر یہ میلہ سجانا ممکن نہیں تھا:نجم سیٹھی

  

لاہور (ڈیلی پاکستان آن لائن )پاکستان سپر لیگ کے فائنل میچ کی تقریب میں جب نجم سیٹھی سٹیج پر آئے تو شائقین کرکٹ نے خوب داد دے کر ان کا استقبال بھی کیا لیکن اس موقع پر سٹیڈیم ’گو نواز گو ‘ کے نعروں سے بھی گونج اٹھا تاہم مجموعی طور پر سٹیڈیم میں مختلف نعرے گونجتے رہے۔

تفصیلات کے مطابق  نجم سیٹھی نے گفتگو کرتے ہوئے کہا کہ میں زندہ دلا ن لاہو ر اورزندہ دلان پاکستان کا شکر گزار ہوں ،سب کا بہت شکریہ آپ نے ہماری حوصلہ افزائی ۔یہ پی ایس ایل ایونٹ پاکستانی قوم کا ہے ، آپ سب کی حمایت نہ ہوتی تو آج جو میلہ سجا ہوا ہے یہ ناممکن تھا اور امید کرتا ہوں کہ آئندہ بھی شائقین کی حمایت ملتی رہے گی ۔انہوں نے کہا پوری دنیا کو کہتا ہوں پاکستانی پرامن قوم ہے کرکٹ کھیلنی اور کھلانی بھی آتی ہے۔آج یہاں پر موجود ملک کے تمام حصوں سے آئے ہوئے لوگ اس بات کا ثبوت ہیں کہ پاکستانی عوام متحد ہے ۔ میں اپنی ٹیم اور پنجا ب کی انتظامیہ کا شکر گزار ہوںجنہوں نے دن رات کام کیا اورخصوصاََ شہباز شریف کا ممنون ہوں جنہوں نے ہر ممکن کوشش کی کہ میچ پرامن ماحول میں ہو اور ان کی یہ کوشش کامیاب ہوئی۔

عمران خان نے پی ایس ایل فائنل کیلئے پیغام جاری کر دیا 

نجم سیٹھی کا آخر میں کہنا تھا کہ اس میچ کو قوم کیساتھ ساتھ تمام سیاسی جماعتوں کی بھی ہمدردیاں ہیں۔اگر سب لوگ مجھے نہ کہتے کہ میچ لاہولے کر چلیں تو شاید آج سے میلہ دیکھنے کو نہ ملتاجبکہ آج بہت ہی عمدہ ٹیمیں کوئٹہ گلیدی ایٹرز اور پشاور زلمی یہاں میچ کھیلیں گی ۔آج کے ہجوم کو دیکھتے ہوئے محسوس ہوہاہے کہ بہت ہی مزا آئے گا۔

مزید : T20