گیس کی قیمتوں میں اضافے کی منظوری تشویشناک ‘ خرم الیاس

گیس کی قیمتوں میں اضافے کی منظوری تشویشناک ‘ خرم الیاس

  



لاہور(یواین پی)چیئرمین لاہور ٹاؤن شپ انڈسٹریز ایسوسی ایشن میاں خرم الیاس نے اوگراکی جانب سے ایک بار پھر گیس کی قیمتوں میں اضافے کی منظوری پر تشویش کا اظہار کرتے ہوئے کہا ہے کہ اوگرا کی منظروی کے بعد گیس151روپے فی ایم ایم بی ٹی یو مہنگی کی گئی ہے انہوں نے کہا کہ گیس کی قیمتوں میں اضافہ سے سب سے زیادہ صنعتی شعبہ متاثر ہوگا۔مہنگی گیس و بجلی سے صنعتی شعبہ کی پیداواری لاگت میں اضافہ اور مہنگی اشیاء کے باعث ملکی برآمدات میں کمی سے تجارتی خسارہ بڑھے گا اور حکومتی زرمبادلہ کے ذخائر کمی کا شکار ہونگے۔ ان خیالات کا اظہار انہوں نے سینئر وائس چیئرمین حافظ عمران حمید، وائس چیئرمین مہوش احمد کے ساتھ ٹاؤن شپ انڈسٹریز کے صنعتکاروں کے مختلف وفود سے گفتگو کرتے ہوئے کیا۔ میاں خرم الیاس نے کہا کہ نے کہا کہ درآمدات میں اضافہ اور برآمدات میں کمی سے بڑھتے ہوئے تجارتی خسارے کو کنٹرول کرنے اور صنعتی ترقی کیلئے صنعتی مقاصد کیلئے بجلی و گیس کی قیمتوں میں کمی کرے۔

انہوں نے کہا کہ صنعت کو تجارتی بنیادوں پر فروغ دینے کیلئے ایک جامع حکمت عملی وضع کرنے کی ضرورت ہے جس کے تحت نہ صرف مینو فیکچررز کی معاونت ہو ، بلکہ صنعتی کارکنوں کو بین الاقوامی چیلنجز سے نمٹنے کے لیے ان کی صلاحیتوں میں اضافہ کے اقدامات کیے جائیں ۔انہوں نے کہا کہ حکومت اوگرا کی جانب سے گیس کی قیمتوں میں اضافہ کی منظوری نہ دے اور گیس قیمتوں میں اضافہ کی بجائے گیس کی چوری روکے تو گیس کی قیمتوں میں اضافہ کی ضروت باقی نہ رہے ۔

مزید : کامرس


loading...