شیوراتری تہوار میںشرکت کیلئے ہندو یاتری کل پاکستان پہنچیں گے
لاہور(فلم رپورٹر) ہندو مذہب کے تہوار شیو راتری کی تقریبات میں شرکت کے لئے بھارت سے 200یاتریوں کا وفد کل6 مارچ کو واہگہ بارڈ کے راستے پاکستان پہنچے گاجہاں متروکہ وقف املاک بورڈ کے اعلی حکام اور مقامی ہندو رہنماء یاتریوں کا استقبال کریں گے بورڈ کے ایڈیشنل سیکرٹری شرانئز رانا شاہد سیلم کا کہنا ہے کہ چیئرمین بورڈ ارشد فرید خان کے احکامات کی روشنی میں یاتریوں کی سیکورٹی،رہائش،ٹرانسپورٹ سمیت دیگرتمام تر انتظامات مکمل کر لئے گئے ہیں ۔ ترجمان بورڈ عامر ہاشمی کے مطابق6مارچ کو ہندو یاتری لاہور میں قیام کرنے کے بعد 7مارچ کو کٹاس راج روانہ ہوں گے ۔
جہاں متروکہ وقف املاک بورڈ کے زیر اہتمام مہا شیو راتری کی مرکزی تقریب9مارچ کو تاریخی کٹاس راج مندر چکوال میں منعقد ہو گی ۔
جس میں مختلف سیاسی سماجی و مذہبی رہنمائ_ بھی شریک ہوں گے، یاتری10مارچ کو لاہور واپس آئیں گے،11مارچ کو لاہور میں موجود کرشنا مندر،شاہی قلعہ و دیگر تاریخی مقامات کا دورہ کرنے کے بعد 12مارچ کو واپس بھارت روانہ ہوں گے۔
