پی ایس ایل نوجوان کرکٹرز کیلئے بہترین پلیٹ فارم ہے، سہیل خان

راولپنڈی (این این آئی)کوئٹہ گلیڈی ایٹرز کے فاسٹ بولر سہیل خان نے کہا ہے کہ بولرز کےلئے بہت مشکلات پیدا ہوگئی ہیں، انکے لیے کچھ سپورٹ کرکٹ میں ضرور ہونی چاہیے۔پی ایس ایل نوجوانوں کیلئے بہترین پلیٹ فارم ہے ۔

 پریس کانفرنس کرتے ہوئے کوئٹہ گلیڈی ایٹرز کے فاسٹ بولر نے کہا کہ نوجوانوں کےلئے پی ایس ایل بہترین موقع ہے، پی ایس ایل میں نوجوان کھلاڑیوں کو سینئر سے سیکھنا چاہیے۔انہوں نے کہا کہ بولرز کےلئے بہت مشکلات پیدا ہوگئی ہیں، بانڈریز بھی چھوٹی ہوگئی ہیں، پچز فلیٹ ہوگئیں، بولرز کے لیے کچھ سپورٹ کرکٹ میں ضرور ہونی چاہیے۔انہوںنے کہاکہ بانڈریز کم سے کم 70 میٹر کی ہونی چاہیے۔سہیل خان نے کہا کہ 2015 ورلڈکپ میں اے بی ڈیویلیئرز کی وکٹ سب سے یادگار ہے۔

۔انہوںنے کہاکہ کوئٹہ گلیڈی ایٹرز نے کھلاڑیوں کو بہترین ماحول دیا ہے۔ اعظم خان منیجر ہیں، مذاق مستی کرتے ہیں، سپورٹ کرتے ہیں۔