گردوں کی غیر قانونی پیوند کاری کے ملزم ڈاکٹر وں کے جسمانی ریمانڈ میں 4روز کی توسیع

گردوں کی غیر قانونی پیوند کاری کے ملزم ڈاکٹر وں کے جسمانی ریمانڈ میں 4روز کی ...
گردوں کی غیر قانونی پیوند کاری کے ملزم ڈاکٹر وں کے جسمانی ریمانڈ میں 4روز کی توسیع

  

لاہور(نامہ نگار)ضلع کچہری کے جوڈیشل مجسٹریٹ نے گردوں کی غیر قانونی پیوند کاری کرنے والے ملزموں کے جسمانی ریمانڈ میں 4روز کی توسیع کرتے ہوئے قرار دیا کہ مقدمہ کا تفتیشی افسر نااہل ہے اس کے خلاف محکمانہ کارروائی کی جائے.گزشتہ روز سماعت کے موقع پرمتاثرہ فریقین کے وکلاءکے درمیان کمرہ عدالت میں ہنگامہ آرائی کی وجہ سے جوڈیشل مجسٹریٹ کو عدالتی کارروائی بھی روکنا پڑی ۔

فٹ بالر لیونل میسی پرعائد4 میچوں کی پابندی اٹھالی گئی

ایف آئی اے نے جسمانی ریمانڈ ختم ہونے پر ملزم ڈاکٹر فواد، ڈاکٹر التمش ، آپریشن تھیٹر اسسٹنٹ عمر دراز اورشہزاد ضلع کچہری کے جوڈیشل مجسٹریٹ فاروق اعظم سوہل کی عدالت میں پیش کیا ،دوران سماعت فریقین کے وکلا ءدلائل دیتے ہوئے ایک دوسرے سے الجھ پڑے اور ان میں تلخ کلامی ہوگئی۔ملزم اورمتاثرہ فریقین کے وکلاءکے درمیان کمرہ عدالت میں ہنگامہ آرائی کی وجہ سے جوڈیشل مجسٹریٹ نے عدالتی کارروائی روک دی، فریقین کے وکلاء کے درمیان ہنگامہ آرائی متاثرہ افراد کے وکیل ارشاد بیگ کے کمرہ عدالت میں نازیبا جملہ کہنے پر شروع ہوئی ، گرفتار ڈاکٹرالتمش کے وکیل میاں علی اشفاق کی جانب سے بتایا گیا کہ مقدمہ جھوٹا اور بے بنیاد ہے ۔

ایف آئی اے نے ملزموں سے کی گئی تفتیش کی رپورٹ جوڈیشل مجسٹریٹ فاروق اعظم سوہل کو پیش کی اور استدعا کی ملزموں کا مزید 10روزہ جسمانی ریمانڈ دیا جائے، عدالت نے دلائل مکمل ہونے کے بعدایف آئی اے کی استدعا مسترد کرتے ہوئے ملزموں کے جسمانی ریمانڈ میں 4 روز کی توسیع کر دی، عدالت نے اپنے حکم میں ڈائریکٹر ایف آئی اے کو حکم دیا ہے کہ ملزموں کا میڈیکل نہ کروانے پر مقدمہ کے تفتیشی خضر عباس ہاشمی کے خلاف کارروائی عمل میں لائی جائے ۔

مزید :

لاہور -