مہوش حیات فلم ”چھلاوا“کے ساتھ سکرین پر جلوہ گر ہونے کےلئے تیار

مہوش حیات فلم ”چھلاوا“کے ساتھ سکرین پر جلوہ گر ہونے کےلئے تیار
مہوش حیات فلم ”چھلاوا“کے ساتھ سکرین پر جلوہ گر ہونے کےلئے تیار

  


لاہور(فلم رپورٹر)پاکستانی اداکارہ مہوش حیات کا شمار پاکستانی سینما کی کامیاب اداکاراو¿ں میں کیا جاتا ہے جو رواں سال عیدالفطر پر اپنی نئی فلم کے ساتھ سکرینز پر جلوہ گر ہونے کے لئے تیار ہیں۔ان کی فلم ’چھلاوا‘ طویل عرصے سے خبروں میں ہے اور اب اس فلم کا ٹریلر بھی سامنے آچکا ہے۔مہوش حیات ‘چھلاوا’ کی زویافلم کے 3 منٹ 21 سیکنڈ پر مبنی ٹریلر کو دیکھ کر اندازہ ہورہا ہے کہ مہوش حیات نے اس میں ایک ایسی لڑکی کا کردار نبھایا ہے جس کی شادی اس کی مرضی کے بغیر ہورہی ہے۔فلم میں اظفر رحمٰن، زارا نور عباس، اسد صدیقی اور محمود اسلم بھی کام کررہے ہیں۔ٹریلر میں مزید دکھایا کہ مہوش حیات کا کردار اظفر رحمٰن کے کردار سے محبت کرتا ہے، اور اظفر رحمٰن مہوش حیات کے والد کو منانے کے لئے کراچی سے پنجاب آتے ہیں.۔

، فلم میں مہوش حیات ایک مرتبہ پھر آئٹم سانگ پر رقص کرتی نظر آئیں گی۔اس فلم کے ٹریلر لانچ کی تقریب کے دوران اداکار اظفر رحمٰن کا کہنا تھا کہ ان کی یہ فلم فیملی انٹرٹینر ہے جس کا میوزک بھی سب کو خوب متاثر کرے گا۔پیار، حسد، جھگڑے اور غلط فہمیوں کی کہانی ’چھلاوا‘فلم میں زارا نور عباس مہوش حیات کی بہن کا کردار نبھارہی ہیں، جبکہ اسد صدیقی اظفر رحمٰن کے دوست بنے ہیں جو پنجاب پہنچ کر زارا کو پسند کریں گے، محمود اسلم مہوش حیات کے والد کا کردار نبھارہے ہیں۔اس فلم کو دیکھ کر مہوش حیات کی فلم ’پنجاب نہیں جاو¿ں گی‘ کا خیال بھی آرہا ہے، جس میں اظفر رحمٰن نے بھی کام کیا تھا۔فلم ’چھلاوا‘ کی ہدایات وجاہت رو¿ف نے دی ہے، جنہوں نے رواں سال مارچ میں اس فلم کا اعلان کیا تھا۔یاد رہے کہ گزشتہ ماہ اس فلم کا ٹیزر بھی سامنے آیا تھا۔ایک منٹ سے زائد دورانیے کے ٹیزر سے اندازہ ہوا تھا کہ فلم پیار، حسد، کچھ خاندانی اور ذاتی جھگڑوں سمیت محبت میں ہونے والی غلط فہمیوں کی کہانی پر مبنی ہے۔

مزید : کلچر