کورونا پر سیاست کرنے والوں سے عوام حساب لیں گے، گورنر پنجاب

کورونا پر سیاست کرنے والوں سے عوام حساب لیں گے، گورنر پنجاب
کورونا پر سیاست کرنے والوں سے عوام حساب لیں گے، گورنر پنجاب

  

لاہور(ڈیلی پاکستان آن لائن) گورنر پنجاب چودھری محمد سرور نے کہا ہے کہ کورونا پر سیاست کرنے والوں سے عوام حساب لیں گے۔

گورنر پنجاب چودھری محمد سرور نے لاہور میں میڈیا سے بات کرتے ہوئے کہا کہ امدادی سرگرمیوں میں مخیرحضرات اور فلاحی تنظیموں کا کردار قابل ستائش ہے۔ کورونا کے چیلنج سے نمٹنے کےلئے سب کو اپنے رویوں کو بدلنا ہو گا۔

انہوں نے کہا کہ مستحقین کی مالی معاونت کےلئے حکومت نے اہم اقدامات کیے ہیں تاہم کورونا کا مسئلہ ابھی ختم نہیں ہوا اور عوام حفاظتی تدابیر پر عمل کریں۔گورنر پنجاب نے کہا کہ عوام بخوبی جانتے ہیں کہ کون کیا کر رہا ہے۔ سب کو کورونا کے مسئلے پر سیاست کے بجائے عوام کی خدمت کرنی چاہیے۔انہوں نے کہا کہ کورونا پر سنجیدگی کے بجائے سیاست کرنے والوں سے عوام حساب لیں گے۔

گورنر پنجاب کا کہنا تھا کہ حکومت اکیلے کورونا کو شکست نہیں دے سکتی 22 کروڑ عوام متحد ہوں۔ کورونا وائرس کو روکنا ممکن نہیں مگر گھر میں رہ کر بچا جاسکتا ہے، عوام سے اپیل کرتا ہوں خدا کیلئے اپنے گھروں میں رہیں۔ان کا کہنا تھا کہ پنجاب کے مستحقین میں راشن کی فراہمی جاری ہے اور ریسکیو 1122 کے ذریعے گھروں تک سامان پہنچایا جارہا ہے۔ روزگار ختم ہونے سے کروڑوں افراد مشکل میں ہیں، ہمیں رویوں کو تبدیل کرنا پڑے گا۔ان کا کہنا تھا کہ ہم ڈاکٹرز اور طبی عملے کو خراج تحسین پیش کرتے ہیں اور ریسکیو اہلکار مشکل وقت میں قوم کے شانہ بشانہ کھڑے ہیں۔

مزید :

قومی -علاقائی -پنجاب -لاہور -