شاہد خاقان عباسی کی اسمبلی رکنیت معطل ہونے کا امکان
اسلام آباد(آن لائن) سابق وزیر اعظم شاہد خاقان عباسی کی اسمبلی رکنیت معطل ہونے کا امکان ہے۔ذرائع کے مطابق سابق وزیر اعظم اور مسلم لیگ ن کے رہنماء شاہد خاقان عباسی نے اسپیکر کے شوکاز نوٹس کا تاحال جواب نہیں دیا۔شاہد خاقان عباسی کو اسپیکر کو جوتا مارنے کی دھمکی اور نازیبا الفاظ پر نوٹس جاری کیا گیا تھا۔قومی اسمبلی سیکرٹریٹ کے مطابق 7 دن میں شاہد خاقان عباسی نے جواب دینا تھا لیکن 10 دن سے زیادہ ہو گئے شاہد خاقان عباسی نے جواب نہیں دیا۔ذرائع قومی اسمبلی کے مطابق اسپیکر قومی اسمبلی اسد قیصر کا کہنا ہے کہ معاملے کو ایسے نہیں چھوڑیں گے منطقی انجام تک پہنچایا جائے گا۔ شاہد خاقان عباسی کے بارے میں فیصلہ قومی اسمبلی کے آئندہ اجلاس میں ہو گا۔اسپیکر شاہد خاقان عباسی کو معطل کرکے ایوان میں داخلے پر کچھ روز پابندی لگا سکتے ہیں۔
شاہد خاقان
