’’اگر عمران خان استعفیٰ دیں اور مجھے ملک چلانے دیں تو میں پاکستان کا قرضہ اتار سکتا ہوں ‘‘ وقار ذکاء نے انتہائی حیران کن پیغام جاری کر دیا
کراچی (ویب ڈیسک)رئیلٹی شو سے شہرت حاصل کرنے والے وقار ذکاء نے اب سیاست نہیں بلکہ سیدھے ہی وزارت عظمیٰ کی کرسی حاصل کرنے کی خواہش کا اظہار پاکستان کا قرضہ اتارنے کی پیشکش کر کے کر دیا ہے ۔انہوں نے کہا کہ میں کرپٹو کرنسی کے ذریعے پاکستان کا قرضہ اتار سکتا ہوں لیکن شرط یہ ہے کہ عمران خان استعفیٰ دیں اور مجھے ملک چلانے دیں ۔
تفصیلات کے مطابق ٹویٹر پر اس پیغام کے بعد وقار ذکاء ٹاپ ٹرینڈ بن چکے ہیں اور تیر نشانے پر جا لگا ہے ۔ وقار ذکا نے ٹوئٹر پر لکھا تھا ’’میں کرپٹو کرنسی کا استعمال کرکے پاکستان کا قرض ادا کرسکتا ہوں لیکن شرط یہ ہے کہ عمران خان اپنے عہدے سے سبکدوش ہوجائیں اور مجھے ملک چلانے دیں۔ اگر نہیں تو پاکستانیوں کو مطالبہ کرنا چاہئے کہ عزت، زیتون کے باغات، سیاحت، انسداد بدعنوانی سے محبت کرنے والے عمران خان کے پاس اس کا کیا حل ہے۔ میں تمام سیاستدانوں کو چیلنج کرتا ہوں کوئی آئیڈیا ہے۔‘‘
I can pay off PAK debt using crypto but the condition is @ImranKhanPTI should step down and let me run the country if not then Pakistanis should demand what solution respectable , olive plantation, tourism , anti corruption lovers IK has. I challenge all Politican koi idea hai
— Waqar Zaka (@ZakaWaqar) May 4, 2021
وقار ذکا کی اس ٹوئٹ کے بعد ٹوئٹر پر صارفین کی جانب سےطنزومزاح سے بھرپور دلچسپ تبصرے کیے گئے۔ ٹوئٹر ہینڈل باجی پلیز نے لکھا بھئی اپنا حلقہ بتا دیں جہاں سے الیکشن لڑنا ہے تاکہ ہمارے محلے کے بچے جن کے پرچے آپ نے کینسل کروائے ہیں اور جن کے شناختی کارڈ ابھی تک نہیں بنے۔ آپ کو ووٹ ڈال سکیں۔
بھئی اپنا حلقہ بتا دیں جہاں سے الیکشن لڑنا ہے تاکہ ہمارے محلے کے بچے - جنکے پرچے آپ نے کینسل کروائے ہیں اور جن کے شناختی کارڈ ابھی تک نہیں بنے - آپکو ووٹ ڈال سکیں۔
— Baji Please (@BajiPlease) May 4, 2021
ایک اور صارف نے کہا برو آپ پیپر کینسل کرواؤ قرضہ ہم اتار دیں گے۔
Bro paper cancel karwao, qarza hum utar dengay !!!
— How yo Do'innn ???? (@Kazim_zaidii) May 4, 2021
مناہل فاطمہ نامی خاتون نے ایک میم شیئر کرتے ہوئے لکھا میٹرک اور انٹر اسٹوڈنٹس کے وزیراعظم بننے کے بعد وقار ذکا قوم سے خطاب کرتے ہوئے۔
PM #waqarzaka addressing to the nation after becoming PM of Matric and inter students.????#AntiStudentPTI pic.twitter.com/FAHBrKJjeH
— Manahil Fatima (@MFatilma) May 5, 2021
جہاں لوگوں نے وقار ذکا کی بات کو ہنسی مذاق میں لیا وہیں کچھ لوگ ان کی حمایت میں بھی بولتے ہوئے نظرآئے۔ آصف نیازی نامی صارف نے لکھا ہر کوئی اپنا سوچتا ہے لیکن وقار بھائی نے کرپٹو کو عام آدمی تک پہنچاکر آنے والی نسلوں کا سوچا ٹیکنا لوجی کی طرف لے جارہا ہے۔
ہر کوئی اپنا سوچتا ہے لیکن وقار بھائی نے کرپٹو کو عام آدمی تک پنچا کے آنے والی نسلوں کا سوچا ٹیکنالوجی کی طرف لے کے جارہا ہے
— Asif Niazi (@Engrasifniazi4) May 5, 2021
Love you @ZakaWaqar #waqarzaka