ون بائٹ پاپڑی بنانے کا طریقہ
اجزاء
چھنا ہوا میدہ دو کپ
کلونجی ایک کھانے کا چمچ
گھی دو کھانے کے چمچ
ابلے ہوئے آلودو سے تین عدد
کٹی ہوئی لال مرچ آدھا کھانے کا چمچ
چاٹ مصالحہ ایک کھانے کا چمچ
املی کی چٹنی ایک کھانے کا چمچ
لیموں کا رس ایک کھانے کا چمچ
نمک، ابلے ہوئے چنے ، ٹماٹر کے چھوٹے ٹکڑے، پیاز کٹی ہوئی، دال سیو، کٹا ہوا دھنیا، یہ تمام چیزیں حسب ِ ذائقہ و حسبِ ضرورت لیں
ترکیب
ایک بڑے پیالے میں میدہ اور نمک ڈال کر ملالیں، پھر اس میں کلونجی اور گھی شامل کریں اور اچھی طرح مکس کرلیں۔اب اس میں پانی ڈال کر گوندھ لیں اور بعد میں استعمال کرنے کے لیے پلاسٹک شیٹ سے ڈھک کر سائیڈ پر رکھ دیں۔
آلوئوں کو اچھی طرح کچل لیں۔اب اس میں کٹی ہوئی سرخ مرچ، چاٹ مسالا، املی کی چٹنی، لیموں کا رس اور نمک ڈالیں اور اچھی طرح مکس کر کے ایک طرف رکھ دیں۔
اب میٹھی دہی بنانے کے لیے ایک پیالے میں دہی ڈالیں اس میں چینی شامل کریں اور پانی ڈال کر اچھی طرح مکس کرلیں اور بعد میں استعمال کے لیے ایک طرف رکھ دیں۔
پاپڑی بنانے کے لیے گندھے ہوئے میدے سے روٹی بنائیں۔ اب ایک گول کپ کے زریعے کاٹ کر روٹی کے اندر سے چھوٹی چھوٹی ٹکیاں نکال لیں۔ ایک کڑاھی میں تیل کو اچھی طرح گرم کریں اور تمام کٹی ہوئی ٹکیاں اس میں ڈال کر زردی مائل سنہری ہونے تک تل لیں۔
اب تلی ہوئی پاپڑی کو آلوئوں کے آمیزے سے بھریں، پھر اس پر ابلے ہوئے چنے ڈالیں، کٹے ہوئے ٹماٹر اور پیاز بھی ڈال دیں، پھر اس پر املی کی چٹنی اور میٹھی دہی ڈالیں، دال سیو اور کٹے ہوئے دھنیے سے سجا کر پیش کریں۔