اوکاڑہ(ڈیلی پاکستان )اوکاڑہ میں پاسکو کا زونل ہیڈمشتاق شاہد باردانہ فروخت کرتے ہوئے پکڑا گیا،باردانہ کی فروخت کی اطلاع پر کسانوں کا احتجاج کرتے ہوئے پاسکو سنٹر کا گھیراؤ کرلیا۔
نجی ٹی وی چینل دنیا نیوز کے مطابق احتجاج کی اطلاع پر اسسٹنٹ کمشنر اور تحصیلدار نے عملے کے ہمراہ چھاپہ مارا،بارادانہ لوڈ کرنے والے ڈرائیور ٹریکٹر ٹرالیاں چھوڑ کر فرار ہو گئے،تھانہ شاہپور میں تحصیلدار اوکاڑہ کی مدعیت میں مقدمہ درج کرلیاگیا،کسانوں کی جانب سےضلعی انتظامیہ کو کارروائی پر خراج تحسین پیش کیاگیا، کسانوں نے ضلعی انتظامیہ سے مطالبہ کیا کہ جلد کسانوں کو باردانہ فراہم کیا جائے۔