کراچی ، لائنز ایریا میں رینجرز کا آپریشن ، سیاسی جماعت کے 3کارکن گرفتار
کراچی (کرائم رپورٹر) لائنز ایریا سیکٹر ٹو میں رینجرز نے سرچ آپریشن کے دوران سیاسی جماعت کے 3کاکارکنوں کو حراست میں لے لیا ہے۔ فرئیر ، ڈالمیا اور شاہ فیصل کالونی میں پولیس نے کارروائی کے دوران6 ملزموں کو گرفتار کرکے اسلحہ برآمد کرلیا ۔فشری سے ایک شخص کی تشدد زدہ لاش ملی ۔ کراچی میں قانون نافذ کرنے والے اداروں نے جرائم پیشہ افراد کے گرد گھیرا تنگ کر رکھا ہے ۔ لائنز ایریا میں رینجرز اہلکاروں نے سرچ آپریشن میں مخصوص گھروں کی تلاشی کے دوران سیاسی جماعت سے تعلق رکھنے والے 3 مشتبہ افراد کو حراست میں لے کر نامعلوم مقام پر منتقل کر دیا ہے ۔فرئیر پولیس نے 2 ملزمان کو گرفتار کرکے اسلحہ برآمد کرلیا ۔ ڈالمیا اور شاہ فیصل کالونی میں پولیس مقابلے کے دوران 4 ملزمان کو زخمی حالت میں گرفتار کرلیا گیا ۔پولیس کے مطابق گرفتار ملزمان ڈکیتی سمیت دیگر سنگین جرائم میں مطلوب تھے ۔ گرفتار ملزمان کے قبضے سے اسلحہ اور مسروقہ موٹرسائیکل بھی برآمد ہوئی ۔ دوسری جانب فشری کے قریب ایک شخص کی تشدد زدہ لاش ملی
