پیپلز بس سروس کو صوبے میں وسعت دی جا رہی ہے،شرجیل میمن

کراچی (سٹاف رپورٹر)صوبائی وزیر اطلاعات، ٹرانسپورٹ و ماس ٹرانزٹ شرجیل انعام میمن نے اپنے ٹوئٹ میں کہا ہے کہ کراچی اور لاڑکانہ کے بعد اب حیدرآباد کے شہری پیپلز بس سروس کے ذریعے سفر کر سکیں گے۔ وعدے کے مطابق پیپلز بس سروس کو پورے صوبے میں وسعت دی جا رہی ہے۔  تاکہ ہر شہری بہترین سفری سہولت سے فائدہ اٹھا  سکے۔ انشا اللہ اس ماہ میں حیدرآباد میں پیپلز بس سروس کا باقاعدہ آغاز ہو جائے گا۔ انہوں نے کہا کہ حیدرآباد میں پہلے روٹ کے لیے حیدر چوک سے ہٹڑی پولیس اسٹیشن روٹ کا انتخاب کیا گیا ہے۔ روٹ پر 15 بس اسٹاپ بنائے جائیں گے۔ پیپلز بس سروس حیدر چوک سے گل سینٹر، تھنڈی سڑک، ایگریکلچر کمپلیکس، وحدت کالونی، سندھ میوزیم، قاسم چوک، جیل روڈ، اسرا ہاسپیٹل سے ہٹڑی پولیس اسٹیشن تک چلے گی۔